لحلقة30:
يسوق طاير فالطريق..مقدرت نحكي حتى حرف..كابشة بكامل قوتي فالمقعد..قلبي نحس فيه راح يخرج مبلاصتو..تلفت ليه بلعقل..بلعت ريقي بالسيف و انا نشوف معاه..كابس عالفولون بكل قوتو..ملامحو باردة..هادية..اما هدوؤ محسسنيش حتى بطرف راحة..بالعكس..زاد من خوفي..خاطر اللنسان لي كان كابس عليا فحضنو من شوية حتى ببايص يديه مزال يوجعو فيا متأكدة انو مشي هو هادا..هدوء ما قبل العاصفة..رجعتشفت معا الطريق..خرج مالطريق الرئيسي و دخل لطريق لي تدي لدارنا..رجعت تلفت ليه..منعرف منين جاتني الشجاعة..منعرف كيفاع عملتها..رفدت يدي بالسيف حطيتها فوق يدو..حسيت بيدو لي ترعش مالزعاف تحت يدي..اما متلفتش ليا..حبيبي مشافش فيا اصلا..بلعت ريقي نحكي..
انا: هشام اسمعني ا...
مكملتش نحكي..شد فران بالقاوي وسط الطريق..رحت لقدام و رجعت تخبطت للور..طلعت راصي مصدومة نبعد فخصلات شعري..طاحت عيني فعينو..قلبي دق بالقاوي فصدري و انا نشوف معا عينيه لحمورا..لي يلمعو..يلمعو لمعة غريبة..خذيت نفس طويل نحكي..
انا: هشام انا..
حط صبعو على شفافو..
هشام: اششش متحكيش
سكتني..سكتني مقدرتش نزيد حتى حرف..عضيت شفتي..صوتو خرج هااادي علخر..هادي و مكبوس فنفس الوقت..خرج ببحة مشي مفهمومة..غمضة عينيا بقوة و رجعت فتحتهم..الظلمة..غير ضوء الكونوبيل لي كاين..و وحدنا..غير انا و هو..العين فالعين..مرمش عينيه..جيست يشوف معايا..بنظرة هزتني مالداخل..تنهدت..رجعت حكيت بصوت هادي..منيش حابة نعمل مشكل..
انا: مدرتلك والو..غير درت مهمتي
جبدت الكارت ميموار من صدري..و هو مركز معايا..حطيتها بيناتنا..رجعت طلعت بعينيا ليه.
انا: مدرت والو هشام
تبسم..والله تبسم..بصح ابتسامة شاعلة نار..ابتسامة رافدة فداخلها بزاف حاجات..من غير سابق انذار و من غير ما نشوف كيفاه..لف يدو على رقبتي مالتالي..جبدني ليه..حتى مولاتش مسافة بيناتنا..لسقني فيه حتى رجع نيفو يقيس فنيفي..نفسو سخون يضرب فوجهي..يتنفس بالقاوي..
هشام: تعرفي واش درتي..حابة تعرفي..### ..نتتتتي خليتيييني نعيييش احسااااس عمررري ماااا عشتووو
عينيا وساعو..صوتو مااشي و يقوى..و انفاسو ماشية و تحرق فيا..غمضت عينيا بقوة..كمل يحكي و يضرب فراصي بصبعو..
هشام: نننتي خليتيني نحب نقتللك و نقتلوووو و نتي فحضنوو..خليتيني نحب #### و نرمييه..
عينيا تحلو على وسعهم..مستوعبتش..مقدرتش نستوعب كلامو..مدخلش فراصي..رمشت عينيا شحال من مرة نخاول نفهم..رفخ يدو شوية شوية عليا..و جبد روحو لتالي..خلاني مكوانسيا فبلاصتي..مصدومة و مشي فاهمة لي صرا و لي قالو..جيست نشوف معاه..عدا يدو على شعرو بالزربة..و حط راصو عالفولون..يتنفس بالقاوي..صوت انفاسو ماشية و تعلى..خذيت نفس..و زوج و ثلاثة..غمضت عينيا بقوة و رجعت حليتهم نحكي..
أنت تقرأ
__❄عيون_الجليد❄__
Action#منقولة __❄عيون_الجليد❄__ معروف عن المافيا الايطالية ان تنظيمها بالرُتب..و لكل عضو رتبته الخاصة و من بين اهم قوانين المافيا الايطاليا🔪😱ان العميل اذا مات تتولى مهامه زوجته😈🔥..و تعرف بعدها بإسم عيون_الجليد❄💣✌.. 🌸انطلاقا من ها...
