__❄عيون_الجليد❄__

14

الحلقة14:
فيرا تحكي:
تهزيت و تنفظت على صوت الباب لي خبطو..بقيت مسمرة فبلاصتي..مقدرتش نتحرك..ميساجو وصلني بالحرف و المعنى..وصلني على اكمل وجه..غمضت عينيا بقوة..قلبي وجعني..حاسة روحي تافهة..انا هنا نستنى فيه يولي خاطر مقدرتش نرقد فغيابو..مقدرتش نرقد و هو مكاش..و هو فاحضان النساء..علاه خيبات الامل يصراولي غير ليا..
خذيت نفس طوييييل..نهدي فروحي..نحكي معا روحي..واش دخلني؟..واش دخلني اصلاا فيه انا..يبات معا نساء ولا يجيب دراري مشي شغلي فيه..فتحت عينيت..رفدت يدي بالسيف حطيتها على قلبي..هادا..هادا علاه قاعد يوجع فيا هكا..لي بيني و بينو خدمة..علاقة بوس و يدو اليمين..تجمعنا الخدمة و وقت تخلاص كلش راح يخلاص معاها..مكان ما دخلني فيه انا..علاه قاعد يوجع..زميت شفافي..رفدت يديا نسمح فدموعيلي مفقتلهاش وقتاه نزلت..محسيتش بيها كيفاه هبطت و منعرفش اصلااا علاه هبطت..تبسمت بإنكسار..تلفت..رجعت دخلت لبيتي..ترميت عالسرير..غرست راصي فالمخدة..كلمة وحدة تتعاود بين شفافي..«مدخلكش فيه»..حتى محسيتش كيفاه رقدت
فقت الصباح بالسيف..ميتة بالنعاس..تقعدت فبلاصتي..اول حاجة جات فبالي هو هشام..صورتو تعدات بين عينيا..تفكرت ليلة لبارح..تبسمت بإنكسار..بعدت لغطى نظت..دخلت لدوش..عملت دوش بالزربة..و خرجت نشف فشعري..قربت لخزانة..جبدت روب جين قصيرة شوية..لبستها..لبست كونفارس..لفيت فولار و ربطتها بابيون ملقدام على شعري..وقفت شوية عند المرايا..نشوف معا روحي..رميت يدي للفاغاجو..حطيت على خدودي..رجعت بعدت عالمرايا..منعرفعلاه عملت هكا..اول مرة نتلهى بروحي..ولا نهتم لمظهري..اول مرة نكلف روحي باش نلبس حاجات متناسقة..تنهدت..رجعت شعري لتالي..و خرجت مالبيت..طاحت عيني على باب بيتو..اول مرة نوض قبلو..اصلا اكيد مراحش ينوض بعد الليلة العالمية لي عداها لبارح..تبسمت بإنكسار..تعديتها دخلت للكوزينة..جبدت نطيب فالقهوة..نلهي روحي باي حاجة..كرهت من القعدة هنا..بقيت نستنى فيها تطلع..اول ما وجدت..عمرتها فالكاس..تلفت باش نقعد..شهقت..قريب طاحت من يدي..خلعني..مربع يديه..متكيكتفو عالحيط و يشوف معايا..محسيتش بيه وقت دخل..حطيت الكاس من يدي..حطيت يدي على قلبي..
انا: خلعتني
مردليش..ضيق عينيه ركز معايا كتر..دخلت بعضي من نضرتو..جبدت الكرسي قعدت نهرب من نظراتو..رفدت الكاس نشرب منو..فنفس الوقت منيش حابة نشوف فيه..منيش حابة نتفكر..او الاصح خليني نقول حشمانة نشوف فيه..خاطر عارفة انو تعمد يفهمني وين كان لبارح و واش دار..