__❄عيون_الجليد❄__

05

الحلقة5:
فاق الصباح..تقعد فوق السرير..راصو يوجع فيه..رمى عينو لساعة..09:30 نفخ بالقاوي مشي فاهم واش نوضو هاد الوقت..عدا يدو على شعرو بعدوعلى عينيه..وقف دا سيرفات ملخزانة..دخل لدوش..دوش بلخف..لبس سروال السيرفات و تريكو بيض مكبوس عليه..خرج مالدوش ينشف فشعرو..رمى السربيتا عالبونك فتح الباب خرج..تمشى زوج خطوات للكوزينة..حبس..رجع بخطوات لعند بيتها..وقف لثواني لتم..رفد يدو متردد فتح الباب بلعقل..طل عليها..عوج فمو وقت ملقاهاش..طبعها دخل..سمع صوت الماء فالدوش..عقد حواجبو قرب من باب الدوش..دق عليها..
هشام: اااي نتي
مردتلوش..رجع دق..والو..
هشام: تفتحي ## هاد الباب ولا ندخل
زادت مردتش..الفكرة الوحيدة لي طاحت في بالو انو تكون هربت..مفكرش مرتين خبطها تفتحت..دخل..عينيه وساعو وقت قابلاتو فهاديك الحالة..حاطة راصها عالحيط..الماء نازل عليها..شواربها زروقا..تترعد و صدرها طالع هابط..
الدخان خرجلو من ودنيه مالزعاف..قرب بالزربة ليها..دخل معاها..رمى يدو للعين غلقها..حط يديه على وجها..باردة قلاس..تمتم بين شفافو..
هشام: ### عمري هااهي علاه منحبش النساا..تموتو على الدراما يا ###
فتحت عينيها شوية..نفخ بالقاوي..لف يديه على خصرها وقفها بالسيف..نزل عليها رفدها بين يديه..خرجها..حطها عالبونك و جبد روحو..عدا يدو على وجهو يهدي فروحو..شاف فيها ملفوق للتحت..الروب لسقت على لحمها ولات شغل ما لابسة والو..قلب عينيه..خرج بالزربة راح لبيتو..جاب معاه اول شوميز جات على يدو..رجعلها..قعد قدامها..رفد يدو يبعد فشعرها..تترعد مالبرد كلمة وحدة تتعاود بين شفافها.."ياسين"..قلب عينيه..حط يدو تحت ظهرها..قعدها تكاها على صدرو..لف يديه عليها فتحلها الروب ملور..هبطها على كتافها..دخللها الشوميز من يديها..رجع تكاها بلعقل..محاول قد ما يقدر ميركزش فيها..عينيه يهربو لكل بلاصة من غير بدنها..داير كامل جهدو باش صبعتيه ميقيسوش لحمها..رفد يدو غلقلها قفالي الشوميز كامل..هبط الروب خرجها من رجلها رماها عالارض..غطاها..ناض غلق التاقة..شعل الرادياتور..ناض لدوش..جاب منشفة صغيرة شمخها بماء سخووون..داهالها حطها فوق جبهتها و راصها..زيرت عينيها وقت حطها..بعد عليها..حك حاجبو..
هشام: اشبعي دراما دك
خلاها و خرج..دخل لبيتو..شاف فحوايجو..قلب عينيه نحى تريكوه مشمخ رماه..رفد البيسي..فتحو.. ترمى عالفوتاي..
هشام: ال#### ضيعتلنا نهار وحدوخر
طرطق صبعتيه..رجع غطس فالخدمة..تحتمت عليه دك يسير جماعتو غير من بعيد..مقدرش يخلي فيرا عند كاش واحد يتولى مسؤوليتها خاطر ببساطة فعالمهم خوك و مديرش ثقة فيه..
تعدات اكثر من 3 ساعات..محسش بالوقت..حط البيسي عالطابل..ناض يكسل فظهرو..خرج راح ليها..فتح الباب..تكى عليها..يشوف فيها..كيما خلاها..حكى بينو و بين روحو..
هشام: واش حندير معا ### هادي دك
رجع راح للكوزينة..فتح الفريجيدار..جبد واش لقى..و بدا..
★★★