__❄عيون_الجليد❄__

13

الحلقة13:
متكية عالحيط..نشوف معاه..عاطيني بالظهر يطيب..سارحة معاه..نحاول قد ما نقدر منفكرش..منيش حابة نفكر فحاجات راح يقيسوني ولا يبكوني..منيش حابة نفكر فلي راح و لا فلي جاي..منيش حابة نوجع قلبي بالتفكير..
شوية و تلفت..طاحت عيني فعينو..بقى لثواني مركز معايا..طلعت حاجبي..نزل عينيه حط الماكلة فوق الطابلة..و قعد..قربت جبدت الكرسي قعدت..نزلت راصي ناكل و حتى هو..ناكلو فسكات..طلعت راصي بلعقل وقت حسيت نظرتو تركزت معايا..نشوف معاه يتبسم شبه ابتسامة ركزت اكثر معا عينيه وين قاعد يشوف بالضبط..عرفتو يشوف فخدي..قلبت عينيا..رجعت شعري مور ودني بغزول..تراس العضة تاعو مزالها هكاك..قاطعتو نحكي..
انا: فرحان بروحك ؟
فاق على روحو رمش عينيه ضحك على جنب..تكى لتالي يحكي بتڨوعير..
هشام: مشي بزاف.. موالف ندير كتر
عضيت شفتي..هبطت راصي..نحكي بين شفافي..
انا: منحرف
هشام: اه مسمعتش ؟ قلتي حاجة ؟
انا: واااالوو
رجعت ناكل..عارفاتو يعمل فيها بلعاني باش يحشمني..فهمت قصدو..مخو خامج منحرف و ميحشمش.. رجعنا ناكلو فصمت..شوية و حكى من غير ما يطلع راصو ليا..
هشام: تعرفي تسوڨي ؟
طلعت راصي ليه..شاف فيا..هزيتلو بكتافي..طلع حاجبو
هشام: يعني ؟
انا: نعرف..نظن يعني نعرف
عوج فمو..
هشام: تظني ؟
هزيتلو براصي ايه..كملت نحكي..
انا: يعني نعرف بصح عندي بزاف مسڨتش
هشام: منين تعرفي ؟
عضيت شفتي..شريط ذكريات رجع جاز قدامي..سكت لثواني..خذيت نفس طويل نحكي..
انا: ياسين كان مخلي طوموبيل فالڨاراج هو كان يخرج بزاف يعني علمني نسوڨ بيها فحالة ادا صرات كاش حاجة
قلب عينيه بحركة مفهمتهش واش قصدو بيها..كمل يحكي..
هشام: مممم مليح..نقص علينا شهر وحدوخر هنا..
انا: يعني راح نروحو ؟
هشام: وين تروحي ؟
انا: قصدي مراحش نبقاو فهاد الدار ؟
هشام: ممممم
انا: وقتاش نروحو ؟
هشام: كي تكوني واجدة
حطيت المغرفة من يدي..نشوف معاه..
انا: راني واجدة
طلع عينيه ليا..فلحظة عينيه دارو على وجهي كامل و رجع تركز فخدي..تبسم على جنب..
هشام: مممم راني نشوف
نفخت بالقاوي..رفدت روحي وقفت..
انا: هاهاها متضحكش
عطيتو بالظهر خارجة..العصب يرفد فيا و يحط..كل مرة يتعمد ينبزني هكا..اول ما وصلت لباب بيتي سمعت باب برا تفتحت..عينيا وساعو..محسيتش لروحي كيفاه تلفت نجري..زربت فخطواتي..لحقتو..لحق يخرج ديجا..قربت للباب فتحتها..تلفت ليا..طلع حاجبو..
هشام: واش كاين !
انا: و وين رايح ؟
عدا يدو على شغرو بغزول..عرفتو تقلق من سؤالي.. رجع شاف معايا..
هشام: واش دخلك نتي ؟ روحي ترقدي احسنلك
انا: ب بصح
هشام: فيراااااا
تهزيت و تنفظت على عيطتو..عضيت شفتي..نفخ بالقاوي..مزاد حتى كلمة..ركب فطوموبيل و عينو متنحاتش من عيني..طار بيها..و خلاني واقفة فبلاصتي..بقيت لثواني مكوانسيا لتم..تنهدت..تبسمت بالسيف..نطمن فروحي..عادي راح يرجع..اصلا صح واش دخلني فيه..يروح ولا ميروحش..مشي شغلي فيه..رجعت تلفت..دخلت و غلقت الباب..رحت ديراكت لبيتي..ترميت فوق السرير..رجعت صورتو بين عينيا..تبسمت..رفدت لمخدة غميت بيها وجهي..نحاول نخرجو من تفكيري..شهر..تعدا شهر من اول نهار شفتو فيع..منعرفش شحال بقيت و انا نحاول نرقد..نحاول نبعدومن مخي..تنهدت..جيتقاعدة..منقدرش ننكر..حاجة وحدة منقدرش ننكرها..اني نحس بالامان وقت يكون جنبي..معلاباليش كيفاه..بصح تأثيرو عليا قوي..وجودو..حضورو..كلهم عندهم تأثير خاض منقدرش ننكرو..حتى بدني يتحرك تلقائيا وقت يكون قدامي..فكرة لهو فالدار برك تخليني نرقد مرتاحة..منعرفش علاه وقت ميكونش عينيا ميتغمضوش..كي يغيب يغيب معاه احساسي بالامان..رفدت روحي بالسيف..وقفت عند الشباب..نشوف معا الطريق..زعما وين يكون راح..واش راهو يدير دك..بزاف اسئلة فمخي و ملقيتلهاش جواب..نعاس طار من عينيا..قكرة تديني و فكرة تجيبني..
هشام يحكي:
رفدت يدي شربت الكاس فرد مرة..غمضت عينيا بالقاوي تروهجت..منعرفش شحال من كاس شارب للدك..صورتها محبتش تتنحى من بالي..كلش حاب عليه دك هو اني ننسى الاحساس لي حسيتو صباح وقت كانت بين يديا..نااقم على روحي خاطر حسيتو من الاساااس..حاس روحي قاعد نقاوم عكس التيار..شهر واحد..عشت معاها شهر واحد..منيش فاهم علاه مركز معاها لهاديك الدرجة..عمري ما وصلت حفظت ملامح طفلة..حتى من ليديا مشي حافظ ملامحها تماما..اما هي..شعرها..عينيها..جسمها.. جسمها لي مشافت منو حتى شبر..و حافظو..حافظ نحتو..نظرتها لي ترسخت فراصي..مشيتها..صوتها..كلهم حاجات تعودت عليهم..حاجات ترسخو فيا..و الاهم ريحتها..متأكد انو مشي بارفان..ريحة بدنها..من وقتاه انا نفرق بين بارفان و ريحت بدن اصلية ؟..علاه مركز معا تفاصيلها هكا..
فقت من سرحتي على يد تحطت على كتفي..طلعت راصي نشوف شكون..تبسمتلي..
_Hiiii
قالتها بتمعجين..تتبسملي..نزلت بعينيا ليها..لابسة روب يا دوب مغطية اللازم فاللازم..بقيت شوية مركز معاها مع اني مشي قادر حتى نشوف ملامحها..مالضوء لي يضرب فعينيا..عدات لسانها على شفافها..حركة عادية كملت على لي بيا..غمضت عينيا بقوة..اول حاجة جات فراصي..شفايف فيرا..دخلت بعضي اكثر..فتحت عينيا..مفكرتش مرتيش..حطيت يدي على رقبتها ملور..جبدتها ليا..غطست فيها..نبوس فيها بكل غل..مفقتش لروحي..ناقم على روحي و على مخي لي قاعد يصورلي ففيرا فكل بلاص..طلقتها وقت حسيتها تفرفط تحب تتنفس..جبدت روحها تتنفس بالقاوي..تبسمتلي..حطت صبعتيها على شفافي تحكي..(يحكو ايطالي)..
_سبيسيااال
تبسمتلها على جنب..شديتها من يدها..وقفت..لعبت عليا الدوخة..شديت روحي..نمشي و نجبد فيها مورايا..دخلت بيها لتوالات..طبعتها عالحيط و ردت غلقت الباب مورايا..رجعت تلفت ليها..الدنيا دارت بيا..مرة نشوفها هادي لي منعرفش حتى اسمها..و مرة نتخيلها لوخرا..نحس فروحي نغلي مالغزول..قربت ليا شوية تضحك..رجعت خبطتها عالحيط و قربت ليها..نبوس فيها بغش..بنقمة..بكره..مشي حاس لروحي..يمكن فلحظات كنت نتخيل انو فيرا هي لي بين يديا..نزلتلها الروب ولا يمكن قطعتها..مشي عاقل بالضبط..و كملت لي بديتو..فرغت فيها زعافي كامل..و حتى هي مكانتش من العاكسين..
جبدت روحي عليها وقت فقت على روحي..طاحت عالارض تتنفس بالقاوي و تتبسم..
_مكنتش غالطة كي قتلك سبيسيال..نتا وحدك تجربتك متتنساش..كعبة موش نرمال
نسمع فيها تحكي مرديتلهاش..لبست كيما جات..رميتلها دراهم..تلفت خارج..قبل ما نفتح الباب حكات..
_استنى
تلفت ليها..لحقت تلبس حتى هي..طلعت حاجبي..تبسمتلي..
_واش اسمك ؟
انا: هشام..هشام الراشدي
قلتها و عطيتها بالظهر خارج..سمعت صوتها تعيط وسط هاديك الضجة..
_راااح نتلاقااو..
قلبت عينيا..انا اسمها منعرفوش و هي تقولي راح نتلاقاو..ملامحها و مشفتهمش اصلا..تفكيري بقى عند الفرخة هاديك..متنحاتش ولا ثانية من بالي..مقدرتش..مقدرتش نخرجها من تفكيري حاجة اقوى مني..صراع قاعد نعيش فيه و مشي فاهم كيفاه تحطيت فيه..
خرجت ملتم..جابولي طوموبيلتي..ركبت و طرت بيها..فتحت التاقة..ضربتني نسمة باردة تاع لجبال فوجهي..مفهمتش واش صاري بالضبط..فحياتي ما اثر عليا انسان لهاد الدرجة..خصوصا مرأة..منعرفش واش الشئ لي قاعد نعيش فيه..منعرفش تان واش تفسيرو..كلش نعرفو انو هاد الاحساس بالضبط معها ملازمش نعيشو..ملازمش نحس بيه..