الحلقة23:
وقفت على طراطش صوابعها..تحكي فودني..
ليديا: نحبك..هشام نحبك
غمضت عينيا بقوة و رجعت فتحتهم..رفدتيديا بالسيف حطيتهم على ظهرها متالي..جبدت روحها شوية..رفدت يديها تفتح فقفالي الشوميز..والو..متحرك فيا والو..نزلت براصي ليها..باقي تبوس فيا..طلعت راصها ليا..
ليديا: هايا
تنهدت..رفدت يدي بالسيف نزلتلها يدين الروب شوية..يدي ترعش..تبسمتلي..دنات ليا اكثر..رجعت طلعت..باستني من رقبتي..طلعت لخدي..حطت شفافها عليه من غير ما تبوسني..فثواني رجعت بين عينيا صورة فيرا..حسيت سطل ماء و تكب عليا..منعرف كيفاه..شديتها من خصرها جبدتها عليا بكل قوتي حتى جات طايحة عالسرير..طلعت راصها ليا تشوف معايا مصدومة..نتنفس بالقاوي..على شوية كانت راح تبوسني من نفس لبلاصة لي باستني منها فيرا..متقبلتهاش..متقبلتش الفكرة حتى طرف..عديت يدي على وجهي بالزربة..نسمع فيها تحكي..
ليديا: ه هشام
عطيتها بالظهر..تكيت بيديا عالكوافوز..نشوف معاها فلمرايا..
انا: اخرجي
ليديا: ببصح ه هشام ك كنت..
انا: اخرررررررجي ### قتللللك اخرجي
تهزت و تنفظت على عياطي..حتى انا مكنتش حاس لروحي كيفاه كنت نعيط و نخبط فالكوافوز..رفدت روحها تجري..طلعت يدين الروب..تحكي و تبكي..
ليديا: متأكدة بيك حاجة نتاا عمرك ما كنت هكااا..رااح نعرفها..والله راح نعرف اللي بيك
نفخت بالقاوي..فهمت روحها..قربت تجري لباب خرجت..غمضت عينيا بقوة نتمالك فروحي..شوية و سمعت باب برا تخبطت..عرفتها راحت..منيش مصدق لي صرا دك..منيش مصدق اني مقدرتش نقرب من طفلة و مقدرتش نخليها تبوسني من نفس البلاصة لي باسستني منها..منيش فاهم لي صاير معايا..مقدرتش..مقدرتش نديرها..صورتها محبتش تتنحى من بالي..عديت يديا على وجهي نهدي فروحي..كملت نحيت الشومسز لي بدات و فتحتها..ترميت ديراكت عالسرير..غطيت راصي بلمخدة..منيش حاب نفكر..و منيش حاب نعرف لي صاير معايا و هاد الاحساس واش تصنيفو..منيش حاااب..
أنت تقرأ
__❄عيون_الجليد❄__
Action#منقولة __❄عيون_الجليد❄__ معروف عن المافيا الايطالية ان تنظيمها بالرُتب..و لكل عضو رتبته الخاصة و من بين اهم قوانين المافيا الايطاليا🔪😱ان العميل اذا مات تتولى مهامه زوجته😈🔥..و تعرف بعدها بإسم عيون_الجليد❄💣✌.. 🌸انطلاقا من ها...
