الحلقة44:
هشام يحكي:
نسوق طاير فالطريق..دخلت لطريق لي تدي لدار..كابس عالفولون بكل قوتي..كل مرة نسمع فيها شهقاتها نكبس عليه اكثر..منعرفش واش قاتلها بالضبط..قربت منها جيست خاطر شفتها مشي بد بعضها..غمضت عينيا بقوة و رجعت فتحتهم نحاول نتمالك اعصابي..نسمع فيها..تبكي..تبكي بالصوت..بالصوت شغل طفلة صغيرة..مبقيتش قادر نتحمل كتر..الا دموعها..مبقيتش قادر نصبر كتر..شديت فران بالقاوي..تلفت ليها..دارت لعندي وقت حست بيا حبست..تشوف معايا و تشهق..سيبون..هنا و خلاص..لازم نعرف لي بيها..من نهار صرالها الانهيار العصبي حتى لدك..خذيت نفس طويل..منيش حاب نخوفها..رفدت يديا حديتهم على خدودها..نمسح فدموعها..خدودها سخونين راح يطرطقو..عينيه حمورا جمر..و نيفها حمر..
انا: متبكيش ###..علاه راكي ديريلي هكا
مردتليش..قوات فالبكاء اكثر..من غير ما نفكر لفيت يدي على رقبتها..جبدتها لعندي..عنقتها بكل قوتي..نعدي فيدي على طول ظهرها..و حتى هي..لفت يديها على ظهري..كبست عليا اكثر..تبكي و تشهق..غمضت عينيا بقوة..دخلت بعضي من صوت شهقاتها..محبيتش نزيد عليها..جيست خليتها..منعرفش شحال بقينا هكاك..و هي فنفس الحالة..عييت..تخنقت..تخنقت من صوت شهقاتها لي قاعد يضرب فيا فالقلب ديراكت..فنفس الوقت خفت لا تعاود نفس السيناريو تاع هاداك النهار..نزلت بيديا لجنابها..كبست عليها..جبدتها بلعقل مني..بعدت..رفدت يديها تمسح فدموعها..تتهز و تتنفظ مالشهقة..شديتها من يديها نهبطلها فيهم..
انا: فيرا..شوفي فيا هنا..شوفي فيا
شافت معايا بهادوك العينين لي معمرين دموع..خذيت نفس طوييل نحكي..
انا: فهميني فيرا..متخلينيش هكا..فهميني لي صاير معاك !! واش بيك ؟ واش قالتك هاديك ؟
فيرا: ه هي ق قالت ا اسمي م مروة و بعتتني عند المديرة لقديمة م معناها هوما يعرفو بابا و ماما مدام يعرفو اسمي ي يعني بابا و ماما مماتوش كيما قالولي يعني هوما لي خلاوني لتم هوما..هوما سمحو فيا هشام..تفهم لي قاعدة نقول فيه ؟ هوما سمحو فيا
جيست نشوف معاها..نشوف معاها كيفاه تحكي بيديها تحب تفهمني كيفاه صوتها خرج متقطع..معا دموعها لي رجعو هبطو..لثواني بقيت نشوف معاها..نحب نستوعب لي تقول فيه..نحب نفهم كل كلمة قالتها..مروة ؟..بابا و ماما ؟..سمحو فيا ؟..مماتوش ؟..فمي تحل شطر وقت فهمت و ستوعبت لي قاعدة تقول فيا..غمضت عينيا و رجعت فتحتهم من الصدمة..معرفتش..معرفتش واش نقول ولا واش لازم ندير..نعرفو مليح هاد الاحساس..نعرفو وجعو..نعرف واش معنى اغلى واحد يسمح فيك..نعرفووو..فيقني من سرحتي و صدمتي صوت بكاها..مفكرتش مرتين..شديتها من وجها..حاط جبهتي فوق جبهتها..غمضت عينيا..رفدت يديها حطتهم على يديا لي على وجها..حاس بيها..حاس بوجعها..حاس بإحساسها و بحرقتها و مهانتش عليا..تمنيت الموت الف مرة على اني نسمع هاد الشهقات لي يحبسو النفس..خذيت نفس من ريحتها..نحكي فوجها..معا كلىحرف نكبس عليها اكثر..
انا: اشششش..حبسي..متبكيش حبسي..نحلفلك غير نجيبهوملك حتى لعندك وعد مني..متبكيش برك..
معلاباليش كيفاه خرج معايا لكلام..و معلاباليش كيفاه وعدتها..و معلاباليش هاد الوعد وين قادر يوصلني..كيما منعرفش واشحيصرا ادا صح لقاتهم..شوية و سمعتها تحكي
فيرا: م منسحقهمش..منسحقهمش هشااام منسحقهمش
قبل ما نرجع نحكي..ترمات عليا..حضنتني بالقاوي..لفيت يدي على ظهرها..نسمع فيها تحكي..
فيرا: ميهمونيش..مبقيتش حابتهم..هوما راحو مرااحش نحوس عليهم..معادش يهم دك..متخلينيش هشام..متخلينيش كيما دارو..نتا لي بقيتلي متديرهاش بيا كيما هومااا
تنهدت..كبست عليها اكثر نحكي..
انا: اششش واش هاد الهدرة..انا مستحيل نسمح فيك..مستحيل نخليك يا روحي...
معا اخر كلماتي حسيت بدفرتيها لي تغرسو فلحمي..محبيتش نبعدها..خليتها على راحتها..سرحت من غير ما نعرف فاش راني نفكر بالضبط..كلامها يتعاود فراصي بالحرف..معلاباليش علاس بصح حاس فالموضوع حاجة اكبر..يمكن مخبية شي اكبر..منعرفش بالضبط حاس روحي ضايع..اما متأكد القصة هادي راح تجبد معاها بزاف حكايات..فقت وقت حسيت بيديها ترخفو..و نفسها نتظم..عرفتها هدات..حطيت يدي على راصها..جبدتها بلعقل عليا..تكيتها لتالي..عينيها مفتوحين شطر..يادوب تشوف معايا..تنهدت..نزلت لصاكها لي بين رجليها فالارض..رفدتو نحوس على دواها..احسن شي نعطيهولها دك باش تقدر ترقد و تهدا..جبدو..تلفت جبد قرعة الماء من جيهتي و رجعتلها..حطيتلها الحبة ففمها..و حطيتلها القرعة عند شفافها
أنت تقرأ
__❄عيون_الجليد❄__
Action#منقولة __❄عيون_الجليد❄__ معروف عن المافيا الايطالية ان تنظيمها بالرُتب..و لكل عضو رتبته الخاصة و من بين اهم قوانين المافيا الايطاليا🔪😱ان العميل اذا مات تتولى مهامه زوجته😈🔥..و تعرف بعدها بإسم عيون_الجليد❄💣✌.. 🌸انطلاقا من ها...
