__❄عيون_الجليد❄__

38

الحلقة38:
هشام يحكي:
تكوانسييت فبلاصتي..طرافي بردو..دقات قلبي معادش سمعتهم..مبقبتش حسيت بقلبي داخلي..مصدوم..مصدوم من حالتها و هي تعيط..مصدوم مالحاااالة لي شفتها فيها..تروهجت من منظرها..منظرها و هي مرمية هكاك..شعرها مفرود عالارض..اسمها قاعد يخرج من بين شفافي من غير ما نحس..الدنيا ظلامت فوجهي كانو الساعة تجمدت و الارض حبست..كلش قاعد نشوف فيه..هو هي..منعرفش كيفاه تمشيت هادوك الخطوات جيهتها..و عيني منزلتش من وجها..وقفت قدامها..منزل راصي نشوف معاها..تحتي تماما..رجليا ترخفو و معادش حامليني..ضوت وقعتها عالارض دمرني..و عياطها دبحني بالحافي..بلعت ريقي بالسيف..رفدت يدي لي ترعش حطيتها تحت راصها..لعتها لعندي بالسياسة..جات فحضني..رفدت يدي الثانية حطيتها على شعرها..نبعد فيه لتالي بالزربة و نهز فيها..نحكي فرد وقت..
انا: ف فيرا ي يا روحي فيقي..عيش حبي افتح عينيك..شوفي فيا..فيرا..تسمعي فياااا فيرااااا..
مردتليش..صغرونتي مردتليش..بكايتي مفتحتش عينيها..مشافتش فيا..بلعت ريقي بالسيف..نزلت بيدي من شعرها لرقبتها..نتحسس فنبضها..عينيا وساعو..نبضات قلبها متسارعة..متسااارعة بزااف بطريقة مش نرمال..مخي حبس..معادش قدرت نفكر..مصدومة و مشي عارف واش لازم ندير..فيقني صوت عياطها من مورايا..تعيط بكامل صوتها..منعرفش وقتاه لحقت تجي..محسيتش بيها..
وردية: هشاااااام هزهااا لسبيطااار فااش تستنى الطفلة راااح تموووت
اخر كلماتهم حسيتهم كيف سطل ماذ بارد تكب عليا..ساعتها فقت..فقت للوضع لي راني فيه..ساعتها برك ستوعبت انو روحي و صغرونتي طايحة بين يديا كيف الجثة بلا حراك..و ستوعبت اني قاعد نخسر فيها..معرفتش كيفاه لفيت يدي تحتها و نضت و هي فحضني..مسلمة و محاسة لوالو..كبست عليها بكامل قوتي..بعدتلي من طريقي..خرجت ملتم رجليا اعلى من راصي..محسيتش لروحي كيفاه لحقت لتحت..اول ما لحقت لطونوبيل فتحلي واحد مالرجال الباب الخلفي..دخلت..حطيتلها راصها بلعقل..تكيتو لتالي و جيدت روحي غلقت الباب و طلعت نجري ملقدام..ديماريت قبل ما تلحق عليا حتى..نسوق طااير..طاااير فالطريق جاب ربي فات نص الليل و الطريق فارغة..عين عالطريق و عين عليها..قلبي نحس فيه يخض بالقاوي..عيني منزلتش عليها..
شدست فران بالقاوي وقت وصلت..نزلت بالزربة..فتحت الباب نزلت عليها اكثر..رفدتها فحضني..نفسها نحس فيه ثقيل..ثقييل فرقبتي..داخل بيها نجري و نعيط..قربو مني زوج يتجاراو..حطيتها عالسرير لي جابوه معاهم (سقسيت كلاصة كاملة وسمو هاداك اليونك لي فيه الرود و معرفوش😂+ضحكو عليا😒)..حطيتها بلعقل..شاد يدها بين يديا..يدها البااردة ڨلاااس..نجري معاهم..
انا: فيرا قااعد نستنى فيك..### متعمليهااش بيا و تروحي..باالاااكي ديريهاااا ###
كان اخر كلام قلتهولها قبل ما يدخلوها للبيت دخلت موراها طبيبة تجري..غلقو الباب فوجهي..رجعت بخطوات لتالي..ترميت عالكرسي.. عديت يدي على وجهي بالزربة..نتنفس بالقاوي..نزلت بعينيا لكتفي..بلاصة وين كانت حاطة راصها..عقدت حواجبي و انا نشوف معا حاجة غوز صغيرة عالقة فحوايجي..جبدتو..نشوف معاه فيدي..المشبك تاع الفراولة لي كانت شادة بيه لاماش تاعها..كبست عليه فيدي بكل قوتي..ندعي تكون بخير..
منعرفش شحال تعدا عليا وقت و انا لتم..حسيتهم ساعات طوال..محبوش يتعداو..فقت من سرحتي على الباب لي تفتح..تنفظت جيت واقف مقابلها..نشوف معاها..نستنى فيها تحكي..(بالايطالية)
_تفضل معايا للبيرو مسيو..نحكو لتم احسن
هزيتلها براصي ايه..سبقتني..رميت المشبك فجيبي..لحقتها تتمشى و انا موراها..قلبي نحس فيه راح يخرج مبلاصتو..فتحت باب البيرو دخلت..دخلت موراها..غلقتها و قربت للكرسي قعدت..
انا: لاباس عليها ؟ واش صرالها ؟
_نتا من عائلتها ؟
انا: راجلها صراقلت الكلمة من غير ما نحس..من غير ما نفيق على روحي..منعرفش كيفاه طلعت معايا..حتى انا تصدمت ملي قلتو..فيقني صوتها وقت رجعت تحكي..
_لاباس عليها دك..اما نحي نسألك هادي اول مرة يصرالها هكا ؟
تنهدت براحة..عديت يدي على وجهي..كنت راح نقول ايه..اما فاخر لحظة تفركت..
انا: لا من 15 يوم تقريبا صرالها نفس الشئ..اما حالتها مكانتش سيئة لهاد الدرجة..
_انهيارين عصبيين فأقل من شهر..حاجة مطمنتش..
بلعت ريقي بالسيف..كملت تحكي..
_مدامك راجلها مشي عارف سبب لي خلى نفسيتها تتعب لهاد الدرجة و يصرالها هكا ؟
انا: المرة لولة نظن خاطرها نضغطت..منعرفش..يمكن ضغطت عليها..اما هاد المرة معنديش حتى فكرة..وقت لحقتها كانت تعيط بكلمات مشي مفهومة و بعدها طاحت عالارض
عديت يديا على وجهي..نهدي فروحي بعد ما تفكرت حالتها هديك..سمعتها وقت تنهدت..رجعت تحكي..
_اسمعني..احسن شي تعملو دك انو تحاول تفهم من عندها واش صاير معاها..و ادا شايف روحك مشي قادر تخليها تحكي فراح تطر تديها عند طبيب نفشي خاطر واضح انو كاين حاجة مأزمتها..
انا: لهاد الدرجة ؟
_نفسيتها تاعبة بزاف !! يمكن مضغوطة ولا يمكن كاتمة حاجة داخلها..فهكى حالات وقت لمريض ميحكيش لي بيه يكون العلاج اصعب..انتا حاول تحكي معاها و تفهم من عندها..اما من غير ما تضغط عليها..خليها تكون على راحتها خاطر اذا ضغطت عليها يمكن تتأزم اكثر..راح نخليها هنا ليامات ترتاح و راح نوصفلها ادوية مهدئة تاخذهم لفترة خاطر بصراحة انهيار اخر مراحش يكون فصالحها و يمكن يولو فحاجات اخرى
تروهجت من كلامها..عديت يدي على شعري بالزربة..هزيتلها براصي ايه..وقفت..
انا: نقدر نشوفها دك ؟
_اكيد..بصح من غير ما تستناها تفيق خاطر مزال تحت تأثير المهدئ
هزيتلها براصي..عطيتها بالظهر خرجت من عندها..خرجت نتمشى جيهة بيتها و كلام الطبيبة بالحرف يتعاود فراصي..كل كلمة قالتها ترسخت فمخي..
وقفت عند باب بيتها..اول مت حطيت يدي عالبوانيي..قاطعني صوت تيليفوني..جبدتو..رديتلها..
وردية: و اخيراااا رديت..هشاام وااش صرا
انا: ااااي نتي
تلفت ليا..عاقدة حواجبها..قربت ليها اكثر..قلبي دق و انا نشوف فيعينيها لحمورا..باين فيها كانت تبكي..منعرفش علاه قلبي عصر عليا..احساس خايب تملكني..
وردية: واش تسحق !!
انا: وين راهي فيرا !!
وردية: مكاااشها
انا: وين راحت !
وردية: مشي شغلك
انا: اوكي نستناها هنا
عدات يدها على وجها بالزربة..
وردية: احسنلك تبعد من هنا مراااحش تجي..تفهم وااش معنتها فيرا مرااحش تجي دمرتوها و لحقتوها لسبيطارات..معاادش تدور جيهتها احسنلك
قالت لي عندها و طبعتني و ركبت..خلاتني مصدوم فبلاصتي..كلمتها تتعاود فراصي "لحقتوها لسبيطارات".. مفهمتش..مفهمتش قصدها..
ققت من سرحتي على صوت الطونوبيل لي راحت..من غير ما نفكر مرتين..جرييت لطونوبيلتي..ركيت لاحقهم..نسوڨ بعيد عليهم و قلبي يخبط بالقاوي..قلبي مشي مطمني..مستحيل تكون صراتلها حاجة..مستحيل نتقبل فكرة انو صراتلها حاجة..تي اصلا الفكرة برك دخلتني بعضي..
قلبي عصر عليا اكثر و اكثر وقت حبسو قدام سبيطار..بلعت ريقي بالسيف..نزلت نجري لاحقها..لحقت تدخل..وقفت فالريسيبسيون قدامها..حالتها داخلة بعضها لدرجة انو منتبهتليش..عينيا وساعو و انا نسمع فيها تسأل على غرفة " فيرا جبروت"..الدم جمد فعروقي..لحقتها و هي تجري فهاداك الكولوار..نجري موراها..حبست وقت دخلت لبيت..تكيت عالحيط..نرد فالنفس..معرفتش واش ندير..معرفتش ادا لازم نلحقها ولا نبقى بلاصتي..تنفظت وقت تعدات عليا ممرضة..الظاهر عندها مناوبة الليلة و اكيد كانت هنا..منعرفش كيفاه شديتها من يدها..تلفتت ليا مستغربة..
_نعم مسيو
انا: ل لمرضة لي فالبيت هادي و واش بيها ؟
تلفتت شافت معا البيت و رجعت شافت معايا تحكي..
_انهيار عصبي حاد..وقت جابوها كانت فحالة سيئة بزاف
انا: و دك ؟