الحلقة21:
نزلت نغلق فالبوتس تاعي..اول ما كملت طلعت راصي..قابلتني لمرايا..وقفت شوية نشوف معا روحي..لابسة جيب سكاي ميني عاللخر لي لابساتو..لتريكو اغيوغ حمر بلكحل..و بوتس قثير نواغ..مكياج غامق و غوج الافغ فالبوردو..رفدت يدي رجعت شعري بصوابعي لتالي..تبسمت..عمري ما توقعت نلبس حوايج بهاد الجرأة..تنهدت نمنع فدموعي من انهم ينزلو..مشي وقتهم..مشي وقتهم حتى طرف..قربت لتيليفوني..رجعتعيطتلو..هادي ثالث مرة نعيطلو فيها و ميرفدش..كبست عالتيليفون فيدو نزلتو..مراهوش يرد عليا و مشي فاهمة علاه..مخلاليش فرصة باش نقولو اني رايحة..مخلانيش حتى نقولو اني راح نبدا..رمانيىو جبد روحوو مرجع حوس..خذيت نفس طويل نقوي فروحي..حطيت تيليفوني داخل صاكي..رجعت رفدت الدوسي لي عطاهولي..فتحتو ضربت طلة اخيرة علاه..تبسمت على جنب هدفي مهدي سالم..
رجعت حطيتو رفد صاكي و خرجت..نزلت هادوك الدروج بلعقل..طليت عالكوزينة..عاطيتني بالظهر طيب..تمشيت بلعقل للباب..منيش حابة تشوفني و انا خارجة..قربت بلعقل للقجر تاع الطابلة تاع الكولوار..فتحتو و عيني عالكوزينة..جبدت مفاتح الاودي..فتحت الباب بلعقل..خرجت و طبعتها مورايا..زربت للباركينغ..فتحتو..ركبت..رميت صاكي قدامي..حطيت لمفاتح..كبست بيديا عالفولون..عندي بزاف مسڨتش..خذيت نفس طويل..ديماريت..يديا يرعشو نسوق بلعقل..خرجت مالجنينة تاع دار..زدت شوية فالفيتاس..خرجت لطريق لكبيرة..زدت فالفيتاس اكثر..عقلي نحسو مراهوش معايا..تفكيري كااامل فلي قاعدة نخمم اني نديرو..تفكيري فلي جاي..حتى محسيتش لروحي كيفاه لقيت روحي قدام دارو..تكيت لتالي..منعرفش كيفاه وصلت لهنا..مطاوعنيش قلبي..مقدرتش نروح من غير ما نقولو..رغم هاد القوة لي يمكن متصنعتها بصح مقدرتش نروح لعند مهدي قبل ما نشوفو و نقولو..تنفست بالقاوي..منعرفش كيفاه راح تكون ردة فعلوبالضبط..حطيت يدي عالباب..قبل ما نفتح طلعت راصي على غفلة..حسيت نار و شعلت فيا..الدنيا ظلامت فيعينا..فمي تحل شطر..يدي لي كانت عالباب نزلت شوية شوية و انا نشوف فيه..نزل مطوموبيل و نزلت هي معاه..نفسها هاديك الروجية..ليديا..يمكن اسمها ليديا..مقدرتش نحكي عينيا عليهم..شاداتو من يدو و مكبشة فيه..تمشي و تضحك..و هو يتبسم معاها..دخلو فيزوج..دخلو فيزوج للباتيمون..حسيتبقلبي تعصر..النفس تغلق عليا..رميت يدي لتاقة فتحتها..نتنفس بالسيف..يمكن كتر من عشر دقايق و انا مسمرة فبلاصتي نشوف معا باب الباتيمون لي دخلو منو اليد فاليد..قلبي..قلبي نحس فيه يتفتت..قال صديقتو..لي شفتو دك عكس كلامو كامل..يعني انا رمامي لنار و هو قاعد يتمتع بوقتو معاها..رماني و راح يعيش حياتو..تبسمت بإنكسار
أنت تقرأ
__❄عيون_الجليد❄__
Action#منقولة __❄عيون_الجليد❄__ معروف عن المافيا الايطالية ان تنظيمها بالرُتب..و لكل عضو رتبته الخاصة و من بين اهم قوانين المافيا الايطاليا🔪😱ان العميل اذا مات تتولى مهامه زوجته😈🔥..و تعرف بعدها بإسم عيون_الجليد❄💣✌.. 🌸انطلاقا من ها...
