__❄عيون_الجليد❄__

10

الحلقة10:
هشام يحكي:
نسوق طاير فالطريق..طااير..اعطيني غير نوصل بعد الميساج لي لحقني من عند ليديا..كلماتو بين عينيا.."اجري يا هشام خالتي وردية حالتها مأزمة"..محسيتش..محسيتش لروحي كيفاه قطعت هاديك الطريق من دار لجبل للمدينة..معلاباليش كيفاه وصلت..قطعت هاديك الطريق فنص الوقت..و لي زاد عليا نعيطلها و متردش..
ماضدقت وصلت عند الباب..شديت فران هبطت رجليا اعلى من راصي..قلبي نحس فيه راح يخرج مبلاصتو..هديت عالباب ندق و نعاود..شوية و فتحتلي..طاحت عيني فعينها..دزيتها و دخلت..
انا: وييين رااهي وااش صراا
قبل ما تحكي قابلتني..خارجة مالكوزينة..
وردية: هشام وليدي واش جابك ؟
عقدت حواجبي نشوف معاها..لاباس بيها..تلفت بالزربة لليديا لي فتحتلي الباب..تبسمتلي..
ليديا: ديزولي كان لازم نعمل هكا باش نشوفك
حسيت الغاز طلعلي من رجليا لراصي..غمضت عينيا بقوة نتمالك فأعصابي..
وردية: ليديا واش درتي !
مردتلهاش..قربت ليا حطت يديها على صدري..تحكي و تتمعجن..
ليديا: والله ديزولي ادا خوفتك م...
محسيتش لروحي كيفاه هبطتلها يديها و طبعتها بكامل قوتي حتى خبطت فالحيط..
انا: تزززيدي تعيطي ل ###..####
طلعت راصها مصدومة..
ليديا: ا انا م...
انا: بلللللعي ## فمممك علياا
عينيها وساعو..دموعها هبطو..تلفت لخالتي لي حاطة يدها على فمها..قربت ليها شديت يديها نزلتهم من فمها..بستهم..
انا: ديزولي..لازمني نروح دك
حطت يدها على خدي..
وردية: بالاك على روحك
هزيتلها براصي..تلفت لهاديك ال#### ڨحرتلها..خليتهم و خرجت لبرا..خذيت نفس نهدي فروحي..عديت يدي على وجهي..ال#### قريب هبلت جرتها..والله كون وحدوخرا راني عرفت شغلي معاها..جاب ربي خالتي وردية متفهمة..و مزادتش لككت عليا حتى هي بالهدرة و لا كنت درت فيها كاش حاجة..رجعت ركبت..اول ما حطيت يديا عالفولون تفكرتها..جات صورتها بين عينيا..و الحالة لي خليتها فيها بعد ما رميت هاداك لكلام لي منعرفش اصلا كيفاه خرج من فمي..ضربت راصي بيدي..كيفاه خليتها هكاك..رجعت ديماريت..بنفس السرعة لي جيت بيها رجعت بيها و يمكن كتر..
ملقيت روحي غير عند باب دار الجبل..شديت فران بالقاوي..ضواوي الطوموبيل يضربو فالباب..عقدت حواجبي..نشوف و نكدب فعينيا..فتحت الباب بالزربة و نزلت..كل خطوة نقربها جيهتها عينيا يوساعو كتر..اخر شي وليت واقف قدامها بالضبط..نشوف فيها كيفاه قاعدة عالارض..مطلعتش راصها ليا اصلا..منعرفش كيفاه خرجت اسمها من بين شفافي..
انا: فيرا
طلعت عينيها بالشوية ليا..عينيها لي مفتوحين نص..حمورا..دموعها نازلين شلال..نيفها حمر مالبكاء..دخلت بعضي..معرفتش واش لازم ندير..نزلت قدامها اجونو..رفدت يدي بالسيف حطيتها على خدها..
انا: فيرا واش بيك !
من غير سابق انذار..خبطتلي يدي..ناضت بالزربة قربب طاحت..زربت نضت جيت نحكمها طبعتني..وقفت قدامها قد قد..قبل ما نرجع نحكي قاطعتني وقت بدات تضرب فيا على صدري بيديها الصغار..تضرب و تعيط..
فيرا: بععد متقيسنيش..نتاا خليتني..خليتني و رححححت خليتني وحدي..كاامل خليتوني وحدي بعددد
بقيت نشوف معاها مصدوم..نحاول نحكم يديها..نحاول نلقى تفسير لحالتها هادي..معرفتش واش لازم ندير..جبدتها من يدها لحضني..لفيت يديا عليها كبست عليها بكامل قوتي..لفت يديها عليا تضرب فيا فظهري..
انا: اششششش اهدي..اهدي خلااص راني هنااا مرحتش..مخليتكش..
فيرا: بعددد..بعددد علياااا بعدد
تحكي و صوتها يروح و يولي بلبكاء..ملقيتش طريقة وحدوخرا باش نهديها..نزلت براصي لرقبتها..خذيت نفس طويل من ريحتها..حطيت شفافي على رقبتها..بستها..كيما توقعت..يديها لي كانو على ظهري طاحو فالهواء..طلعت بشفافي لودنها من غير ما نبعد..
انا: اششششش
نزلت بيديها لجنابي..كبست عليا..متحركتش..نحس بقلبها يضرب بكل قوتو فصدري..غمضت عينيا..تبسمت من غير ما نحس..شوية و جبدت روحها..رخفت يديا عليها..مركز معاها..رفدت يديا تمسح فدموعها كي الصغار..تحكي فرد وقت..بصوت متقطع بالشهقة
فيرا: خفت انا خفت..خفت نرجع نرجع نبقى و و وحدي..
عقدت حواجبي..خايفة تبقى وحدها ؟!..متكونش تعلقت بيا !!..هادا بالضبط لي عمرو ما لازم يكون..خذيت نفس نحكي..
انا: مخليتكش
فيرا: ع علاه ر رحت هكاك
انا: غير كان عندي شغل و قضيتو..
بلعت ريقها..ڨحرتلي..طلعت حواجبي..عطاتني بالظهر و راحت..كلمة و مزادتهاش !!..نورمال هادي دك ؟!..من ثواني كانت بين يديا و تبكي فحضني..شبيها دك !؟..اصلا بالاصل كااامل مفهمتش علاه حالتها كانت هكاك..عديت يدي على وجهي..هادا لي ناقصني..غلقت الباب مورايا..و دخلت للبيت..نحيت التريكو رميتو عالفوتاي و ترميت عالسرير..اول ما غمضت عينيا رجعلي نفس الاحساس وقت كانت بين يديا..تبسمت على جنب..رفد يدي حطيتها على شفافي..نظن اول مرة نبوس طفلة بهاديك الطريقة..مشي نظن متأكد..ولا مرة بست وحدة هكاك..بست بنات هههه..بصح مشي هكاك..ملقيت روحي غير نضحك وحدي..زغدت راصي نبعد فهاد الافكار..نحكي معا روحي..«هشام هبلت ! هاديك مشي اي مرأة..هاديك المرأة بالذاات ملازمش تحس معاها.. هاديك عيون الجليد..هاديك احاسيسك معااها تطفيهم»..غمضت عينيا بقوة..نحاول نرقد و نهرب من هاد الافكار..
فيرا تحكي:
واقفة عند مراية الدوش..مستندة بيديا علافابو..نشوف معا روحي..رفدت يدي بالسيف حطيتها على قلبي..نحكي معا روحي «اشششش اهدئ حبس..حبس..ما تخبط هكا..حبس»..خذيت نفس طويل..فتحت العين..نزلت نغسل فوجهي و نعاود..رجعت طلعت راصي..حطيت يدي بالسيف بلاصة البوسة..غمضت عينيا..كرشي دغدغتني..ولا مرة حسيت احساس هكا..مشي فاهمة..مشي فاهمة علاش خفت لهاديك الدرجة وقت خرج بهاديك الطريقة..خفت يخليني ؟..و لا خفت عليه كاشما يصرالو ؟..خفتو ينساني و ميرجعش ولا خفت تصرالو حاجة تمنعو انو يرجع !؟..واش دخلني فيه اصلا ! شكون هو بالنسبة ليا من الاساس..شهر..نعرفو من سهر واحد و دخل حياتي غصب عليا..قاهرني و معذبني..كل يوم ينبزني و يجرحني..يعاملني ببرود..واش دخلني فيه من الاساس يرجع ولا الله لا رجع..
رميت يدي للمنشفة جبدتها نمسح فوجهي..خرجت ترميت عالسرير على كرشي..ملازمش نتعلق بيه..ملازمش نخلي روحي نوالفو..منيض مستعدة لفراق وحدوخر..منيش مستعدة لوجع وحدوخر..غمضت عينيا..نحاول نرقد و نبعد على كامل هاد الافكار..نرتاح ملي تعدا فوق راصي..
فقت صباح راصي قاتلني بالوجع..فتحت عينيا بالسيف..وقفت..تمشيت للدوش..نغسل فوجهي..خرجت مالدوش..حاطة يدي على راصي..طلعت راصي من رجليه حتى تركزت فعينيه..ياخي وقتاه دخل هادا ؟ علاه محسيتش بيه !؟..عقد حواجبو يشوف فيا..
انا: واش !
ڨحرلي يحكي..
هشام: شفتي الساعة ولا مزال ؟
مقدرتش نجاوبو..فلحظة صورتو تضببت بين عينيا..غمضت عينيا بقوة..رجليا ترخفو..قبل ما نطيح حسيت بيدو لي تلفت على خصري..جبدني ليه..جيت على صدرو..متكية راصي على كتفو..رفد يدو الثانية يبعد فشعري لتالي..يحكي فنفس الوقت..و يدو باقي على خدي..
هشام: واش بيك ؟
انا:ر راصي د ديخانة
مزاد حتى كلمة..نزل عليا اكثر..حسيت بيدو لي تلفت تحت فخذي..رفدني فحضنو..غمضت عينيا..راصي نحس فيه راح يطرطق..حسيت ببدني كي تحط عالسرير..نسمة باردة ضربت جسمي وقت جبد روحو..حسيت بيدو لي تحطت على جبهتي..
هشام: خليك فايقة راني جاي
جبد روحو..فتحت عينيا شطر..نشوف غير فظلو لي بعد..رجعو تغمضو..راصي راح يقتلني..رفدت يدي بالسيف حطيتها عليه..كبست عليه..شوية و سمعت خطواتو يقربو..حشيت بالسرير هبط وقت قعد قدامي..حط يدو فوق يدي لي على راصي هبطها شوية..لف يديه تحت ظهري..يدو كانت سخونة..طلعني ليه..عينيا يتغلقو وحدهم..حطلي حبة داخل فمي..منعرف واش بالظبط..شربلي الماء..و رجع حطلي راصي..حط يدو على شعري..يعدي فيها..نسمع فيه يحكي و صوتو بعيد..
هشام: ارقدي دك يحبس
صوتو كان يبعد..منرف كيفاه تهيئلي انو هو لي قاعد يبعد..حطيت يدي بالسيف فوق يدو..نحكي بالسيف..
انا: خ خليك م متروحش
اخر شي متذكراتو هو وقت هزلي براصي ايه..بعدها عينيا تغمضو و مبقيت شافية على والو..
★★★