الحلقة6:
تفتح فعينيها و ترجع تغلق..تتفكر بلعقل وين راهي و واش صرا..رمات عينها لطابل دو نوي قدامها تحوس عالماء..مكاش..ستندت بيديها البونك..تقعدت..طاحت المنشفة على حجرها..رفدتها فيدها..كبست عليها..نحات لغطا عليه..عينيه وساعو وقت شافت حوايجها..بلع ريقها..غمضت عينيها تسيي تتفكر..رجعولها تصاور برك بين عينيها..وقت كانت حاطة راصها على صدرو و وقت هبطلها الروب..عضت شفتها..خدودها حمارو..هبطت..تمشات بلعقل للباب..فتحتها خرجت..تمشي و شايدة فالحيط..وقفت عند باب الكوزينة..دخلت..تسمرت فبلاصتها و هي تشوف فيه مقابلها..عاطيها بالظهر..مقدرت تزيد حتى كلمة..حكى من غير ما يتلفت ليها..
هشام: واش تسحقي
فيرا: ل لماء
جبد كاس من قدامو عمرو..دار حطو عالطابل..طاحت عينها في عينو..هبطت بعينيها لضدرو العريان..منظر خلاها تبلع ريقها تلقائيا..طلع حاجبو..و رجع دار..فاقت على روحها..قربت ليه..رفداتو شرباتو على دربة..حطاتو..تلفت رايحة..رجع وقفها..
هشام: اقعدي
فيرا: اه !
حط الماكلة فوق الطابلة..
هشام: قلت ل### اقعدي
هزتلو براصها ايه بالزربة..جبدت الكرسي قعدت..طبعلها الطبسي قدامها..اول ما شافت الماكلة هجمت عليها هجوم الأفارقة..هبطت راصها معاودتش طلعاتو..تاكل و تعاود..بقى ياكل بلعقل و يشوف فيها من تحت شفارتيه..صدماتو..عرفها كانت جيعانة..
كملت..طلعت راصها..مسحت فمها..رجعت بالكرسي للور باش تنوض..
هشام: ريحييييي
مالخلعة عاودت طاحت فوق الكرسي..
فيرا: و واش
هشام: لي درتيه صباح اقسم و تعاوديه غير #### و نقتلك و نرميك للكلاب ينهشوك
بلعت ريقها..هبطت راصها..كمل يحكي..
هشام: هنا مرانيش لاتي باش نبقى نعس فيك و نداوي فيك ! مععديش ليك عمري كامل..راكي هنا باش وقت تخرجي من الباب هاديك (شر بيدو لباب الدار) تكوني قد مهماتك..منيش مستعد نضيع جماعتي علاجال وحدة كيما نتي فهمتتتتي !!
خبط الطابلة بيدو..هزتلو براصها ايه..كمل يحكي..
هشام:لي نقولك عليه راح تنفذيه بلا كلام..
فيرا: ا ايه
وقفت مبلاصتها..
هشام: راكي مليحة..معنتها تروحي لصالة راني جاي
تلفت راحت..تمشي بلعقل..خذا نفس طويل..رجع حكى..حبست و هيعاطياتو بالظهر..تسمع فيه..اما هاد المرة صوتو خرج هادي..
هشام: نحيه من بالك هو مات و الاسئلة لي فراصك كامل دا اجابتهم معاك
مردتلوش..كملت راحت..تمتم بينها و بين روحها..
فيرا: معا الوقت يبان..
قعدت عالفوتاي..تستنى فيه..تلعب بصوابعها..
ناض..طلع لبيتو..رفد البيسي و التصاور..و رجع هبط ليها..دخل..طاحت عينو عليها..عاطياتو بالظهر..حط البيسي قدامها..طلع راصها ليه..فتحو..
هشام: الفيديو هادا نحبك تحفظيه كيما حافظة اسمك..
فيرا: و واش ه هادا !!
رفدو من فوق الطابل..حطو فوق حجرها..يدو قاست فخذها..جبدت رجلها بالزربة..قلب عينيه..
هشام: كامل انواع الاسلحة..و كلش عليهم..و تصاور قدامك
عضت شفتها..
فيرا: ر راح ن نولي ن نستعمل السلاح !!؟
دار عالفوتاي..جا موراها..ستند بيديه عالفوتاي..حكى فودنها بصوت يقهر..
هشام: قتلك هنا مكاش لعب..
لحمها تشوك..جبدت روحها تجري..
فيرا: ب بصح ا انا
بحركة خفيفة..لف يدو على خصرها..جبدها للور..حطت يديها على يدو
فيرا: واش رااك دير
عاود رجع فمو قدام ودنها..يحكي بلعقل..بصوت هادي باين فيه الزعاف
هشام: هممم شكون عرف بالاك ياسين كانت عندو سبة باش دار كامل هادوك الحاجات
عينيها وساعو..من جيهة خاطر تصدمت من كلامو..و من جيهة من حركتو..كيفاه حط نيفو على رقبتها طالع هابط عليها..شفافو وقت حكى يقيسو رقبتها و نفسو سخون يحرق فيها..رعشة يرات فيها لا اراديا غريت دفارتيها فيدو..كمل يحكي..بنفس البحة..
هشام: الحل الوحيد قدامك هو تديري واش راني نقول بلا هدرة زايدة
بلعت ريقها..نحها يدو بلعقل..عدا صوابعو بخفة على خصرها خلاها تتنفظ فبلاصتها..ضحك على جنب..
هشام: ابدااااي
غمضت عينيها بقوة و رجعت فتحتهم..تتمالك فروحها..كلامو يتعاود فمخها..زعما صح كانت عندو سبة باش دار هاد الشئ كامل !! فهمت مليح قصدو..فهمتو انو حب يقوللها ادا حبيتي تعرفي كتر اتعمقي معايا كتر..ميساجو وصلها بالحرف و المعنى..كبست على يدها..معندهاش حل وحدوخر..جبدت البيسي ليها كتر..مشات الفيديو..مركزة معا كل حرف يتقال و معاكل ثانية فيه..عقد على يد الفوتاي..مركز معاها..تبسم على جنب..عرفها فهماتو..
★★★
أنت تقرأ
__❄عيون_الجليد❄__
Action#منقولة __❄عيون_الجليد❄__ معروف عن المافيا الايطالية ان تنظيمها بالرُتب..و لكل عضو رتبته الخاصة و من بين اهم قوانين المافيا الايطاليا🔪😱ان العميل اذا مات تتولى مهامه زوجته😈🔥..و تعرف بعدها بإسم عيون_الجليد❄💣✌.. 🌸انطلاقا من ها...
