الحلقة52:
فيرا تحكي:
تقعدت فبلاصتي..نحك فعينيا..حاسة روحي شغل رقدت عوااام..تنهدت وقت ملقيتش الشوميز تاعو..عرفتو راح..خذيت نفس طويل من ريحتو لي باقية فالدار..رفدت روحي وقفت..دخلت لدوش..طاحت عيني على انعكاسي فلمرايا..شعري مزالو بوكلي..عينيا منفوخين..نفخت بالقاوي..ياخي شافني هاكا ؟..منعرف كيفاه مهربش..رفدت يدي نحيت الروب و دخلت تحت الماء..عملت دوش بالزربة و خرجت..وقفت عند لخزانة جبدت تيشرت و سروال لبستهم..قربت لمرايا..نشف فشعري..نشوف معا روحي فنفس الوقت..مفهمتش واش صاريلي..اما كل مرة نجي نفكر فيها فلي عرفتو لبارح عقلي تلقائيا ينحي الفكرة من راصي..مفهمتش علاه..اما حاسة روحي جامدة مالداخل..حاسة بفراغ رهيب عمري ما حسيت كيفو..كأني فارغة لداخل..تي انا و مصدومة من روحي..عمري ما توقعت اني راح نوصل لهاد الدرجة من البرود..لهاد الجمود..فيقني من سرحتي صوت تيليفوني لي قاعد يصوني..حطيت من يدي..و قربت ليه..تبسمت و انا نقرا فإسمو..رفدت عليه..نسمع فيه يحكي
هشام: بوجور
انا: بونجور..وين رحت
هشام: كانت عندي خدمة يا روحي
انا: راح ترجع ؟
هشام: ليوم منظنش..و ادا رجعت راح نرجع متأخر
انا: علاه ؟
هشام: قتلك خدمة
انا: ممم
هشام: فيرا
انا: وي
هشام: متخرجيش اليوم مدار مهما صار
انا: علاه !! واش كاين
هشام: مشغول دك اومبعد نحكو..هاني قتلك متخرجيش مالدار ليوم
انا: د داكوغ
هشام: نحبك..بالاكي على روحك
انا: نموت فيك..حتى نتا
غلق عليا..نزلت التيليفون..كبست عليه فيدي..عاقدة حواجبي..مستغربة كلامو..مفهمتش علاه نبه عليا اني منخرجش..قلبي عاصر عليا و مشي مرتاحة..كأنو حاجة راح تصرا..تنهدت..رميت التيليفون..و خرجت مالبيت..هبطت لتحت..الدار فارغة..عرفتها مكاشها..اكيد راحت تقضي لدار..دخلت للكوزينة..جبدت مالفريجيدار باتيسري و عصير..جبدت الكرسي قعدت ناكل.. اول ما كملت رفدت روحي وقفت..حطيتهم فلافابو و رجعت طلعت للبيت..اول مادخلت لقبت تيليفوني صوني..عقدت حواجبي قربت ليه..زميت شفافي وقت قريت اسمو..غمضت عينيا بقوةو رجعت فتحتهم..خذيت نفس طويل و رديت عليه..نسمع فيه يحكي..
رشيد: و اخيرا شرفتينا و رديتي..الظاهر بعدما حكالك هشام الحقيقة لبارح رجع عقلك لراصك
كبست عالتيليفون فيدي..نحاول نهدي روحي..
انا: واش تسحق من عندي !!
رشيد: الظاهر فيك مليحة..تبانلي بديتي تتعودي على فكرة انو كامل الناس يخلوك
غمضت عينيا بقوة و رجعت فتحتهم.
غمضت عينيا بقوة و رجعت فتحتهم..تكيت بيدي مورايا عالكوافوز..نوازن فروحي و نحاول ناخذ نفس..رجعت حكيت و انا نحاول نخرج صوتي طبيعي..
انا: ادا معندكش واش تقول راح نغلق
رشيد: استني..هاد المرة انا راح نعطيك فرصة باش تنفعي فحاجة..
انا: واش قصدك ؟؟
رشيد: راح تسلكي هشام قبل ما يعمل غلطة عمرو
قلبي دق بالقاوي وسط صدري معا اني مفهمتش قصدو..عدلت وقفتي بالزربة نحكي..
انا: واش قصدك !!
رشيد: لازمك تحبسي الصفقة لي راح يعملها هشام ليوم بأي ثمن
انا: ع علاه !!
سمعتو وقت تنهد..يحكي بكل برود و راحة اعصاب..
رشيد: خاطر هو معلابالوش انو لي راح يشري من عندهم السلعة ناصبينلو فخ..حبسي الصفقة قبل ما تم فيراا جبروت..و ردي باااالك تقوليلو انو انا لي قتلك عليها..
الدنيا دارت بيا..فمي تحل..قلبي مشس مطمني..منعرفش كيفاه خرجت هادوك الكلمات..
انا: علاه منقولوش بلي نتااا !! و اصلا علاه متحبسوش نتا بنفسك ؟
رشيد: ادا قتلو انا ساعتها راح يتعامل معاهم مكر فيا..و انا تهمني مصلحتو..اتصرفي فيراا بقات 45 دقيقة لصفقة..راح تم فالمعمل لقديم لي فمنطقة **** اتحركي..سلكيه
قال لي عندو و قطع فوجهي..خلاني هكاك مصدومة..حطني تحت الامر الواقع و خلاني..كلمة سلكيه مزالها ترن فودني..معنديس حتى وقت باش نفكر..ملقيت روحي غير هابطة فالدروج نجري باش نلحق..هبطت لتحت رفدت مفاتحي و خرجت رجليا اعلى من راصي..ركبت و طرت بيها..نسوق من غير ما نفكر..نسوق طايرة اعطيني غير نوصل ليه..كلمة وحدة تدور فمخي.."سلكيه"..حتى اني محاولتش نفهم اكثر..محاولتش ندقق فالموضوع..لي يهمني دك اني نلحقو..
شديت فران بالقاوي وقت وصلت..نزلت نجري حتى مغلقتس الباب..نجري بكامل السرعى لي عطاهالي ربي..نجري و ندعي فقلبي منكونش تأخرت..حبست فبلاصتي نلهث وقت شفتهم قدامي..هشام و رجالو عاطييني بالظهر..مقابلينهم رجال وحدوخرين..عرفتهم قاعدين يحكو معا بعضاهم..معرفتش واش لازم ندير..ادا خرجت قدامو دك اكيد مراحش يسمعني..بلعت ريقي بالسيف نتمالك فروحي..لحقت فالوقت..هبطت راصي..نقرب ليهم بلعقل..دخلت وسط الطونوبيلات..نمشي مهبطة راصي و مخبية..وقفت قدام طونوبيل تاع هشام ملور..واحد مالرجال واقف قدام الباب الامامي..طلعت راصي ببعقل نشوف واش كاين لداخل..طاحت عيني على الفاليز تاع دراهم..عضيت شفتي نفكر..اكيد مكاش صفقة بلا دراهم..تبسمت..فتحت الباب بلعقل باش
أنت تقرأ
__❄عيون_الجليد❄__
Action#منقولة __❄عيون_الجليد❄__ معروف عن المافيا الايطالية ان تنظيمها بالرُتب..و لكل عضو رتبته الخاصة و من بين اهم قوانين المافيا الايطاليا🔪😱ان العميل اذا مات تتولى مهامه زوجته😈🔥..و تعرف بعدها بإسم عيون_الجليد❄💣✌.. 🌸انطلاقا من ها...
