__❄عيون_الجليد❄__

24

لحلقة24:
نفتح فعينيا و نرجع نغلق..راصي نحس فيه راح يطرطق..ستندت بيديا..تقعدت شوية..حطيت يدي على راصي نتوجع..شوية و سترجعت كلش صرا..عينيا تحلو على وسعهم..ندور فراصي عالبلاصة..بيت تاع اوتال..تنفظت جيت واقفة..زربت لتاقة لي قدامي..نشوف وين راني..بيت..بيت تاع الاوتال لي كنا فيه..جبدت تيليفوني بالزربة نشوف مها الساعة.. 17:06..بدا..اكيد الصفقة بدات..مستحيل تكون صراتلو حاجة..قلبي نحس فيه راح يخرج مبلاصتو..قربت نجري للباب..مكاين حتى واحد فالبيت معنتها اكيد راهم برا..خذيت نفس طويييل..جبدت السلاح من خصري..جاب ربي منتبهولهمش..تخبيت مور الباب..دقيت عليها..و لسقت روحي فالحيط..شوية و تفتحت..دخل راصو..
_واااش
مرديتلوش..حبست النفس تاعي..نحس فقلبي راح يطيح بين رجليا..غمضت عينا بقوة..كمل دز الباب و دخل يحوس عليا..بعد بخطوات..عضيت شفتي..غلقت الباب شوية..قبل ما يلحق يتلفت موراه..ضربتو بكامل قوتي بظهر السلاح لراصو..جا طايح عالارض..بعدت عليه..نتنفس بالقاوي..درت جيهة الباب..فتحتها بلعقل خرجت راصي مطاين حتى واحد..زربت خرجت..نحوس عالاسونسور..لازم نلحقو..لازم نلحقو قبل ما تصرالو كاش حاجة..اول ما لحقت لنص..سمعت صوت لعياط مورايا..تلفت بالزربة لقيتو وحدوخر يجري مورايا..مفكرتش مرتين..قلعت بأقصى سرعتي..نجري بكااامل واش نقدر..نزلت هادوك الدروج نجري لطابق لي لتحت..محاولتش نتلفت حتى مورايا..حبست عند الاسونسور..نعبز علقفلة بالزربة..شوية و تفتح..دخلت نجري..قبل ما يرجع يتغلق حط رجلو.. رجع تفتح..عينيا وساعو و انا نشوف فيه داخل و يتبسم بخبث..دخل و تغلق الاسوسور..لسقت فالحيط..نترعد
_وين هااربة يا حلوة..حاب تسلكيهم..نحلفلك غير راح يموتو
غمضت عينيا بقوة و رجعت فتحتهم..نقوي فروحي..مراحش نضعف دك..مراحش نتراجع لازم نسلكو..روحي هاداك..قرب مني..اكثر..اول ما رجع مقابلني رفدت سلاحي فوجهو..عينيه وساعو..
انا: تتحرك تموت