الحلقة19:
فيرا تحكي:
عديت صوابعي على رجلي..زح والله تقسحت توجع..من فرحة رجعتلي وجع..شوية و دخل..طلعت راصي ليه..ڨحرلي..رجعت هبطت عينيا..حاساتو حب يقتلني تي تقول انا لي حبيت نطيح روحي..مفهمتش علاه داير هكا..قرب..حطلي السنيوة فوق حجري..عينيا لمعو و انا نشوف معا لماكلة..و اخيرا راح ناكل..رجعت شفت فيه..تبسمتلو..
انا: ميرسي
هشام: اشبعي ماكلة دك
عوجت فمي..تقول راني نقصلو من عمرو كي ناكل..هبطت راصي لطبسي..غطست فيه..ناكل و نستبن..مطلعت راصي غير وقت كملتو كامل..رفدت كاس الماء شربتو فرد مرة..حطيتو..تكيت لتالي تتنفس..
هشام: تهنيتي دك ؟
طلعت عينيا ليه..واقف عند الباب يشوف معايا..عقدت حواجبي..
انا: كنت تحسبلي شحال من مغرفة ناكل ؟
ڨحرلي يحكي..
هشام: لالا نتي ميتحسبلكش بالمغرفة نحسبلك بالطبسي و يا ربي
قلبت عينيا نحكي..
انا: و نتا واش دخلك ؟ ياخي انا لي كنت ناكل
هشام: روماركيتي بلي لسانك طوال ؟
ڨحرتلو..رفدت السنيوة حطيتها فوق الفوتاي..نزلت رجلي بلعقل..بالزايد الهدرة معاه..علابالي كون نبقى هنا نولو فحاجة وحدوخرا..ستندت بيديا عالفوتاي..وقفت بالسيف..طلعت راصي ليه..يتبسم وحدو..
هشام: تحبي نجي نعاونك
غمزلي..فهمت قصدو الخامج الهامل..
انا: منسحق متقربش ليا
هشام: كيما تحبي
مرديتلوش..سكت..جيست يشوف معايا..نمشي بالسيف..حاكمة فالحيط و نسوطي..تعديت عليه..ريحتو ضربتني عالحيط..بلعت ريقي بالسيف..محاولتش نركز معاه..زربت شوية باش نبعد عليه..دخلت للبيت..شديت فالباب تلفت ليه..
انا: سلامتك قادرة على روحي
هشام: ههه وي راني نشوف
قلبت عينيا..غلقت الباب فوجهو..تمشيت بالسيف للخزانة جبدت روب..قربت لسرير قعدت عالطرف..نحيت الكونفارس..و فتحت شعري..فتحت السالوبات..نزلتها حتى لكرشي..نحيت التريكو..دخلت الروب ملفوق و نزلت لسالوبات نسيي نخرجها..مقدرتش نحرك رجلي و نخرجها..توجع بزاف..بقيت نفارع فيها..
دموعي هبطو مالوجع و هي والو محبتش تخرج مزيرة ملتحت..
تهزيت و تنفظت على الباب لي تفتحت..طلعت راصي بالزربة..
انا: ااااي راني نبدل
محكى حتى حرف..يشوف معايا برك..عينو في عيني..عينيه لڨري يلمعو..بلعت ريقي بالسيف..رمشت عينيا..فاق على روحو..نزل بعينيه لسالوبات لي قاعدة نعافر فيها..عوج فمو..قرب ليا..جبدت التريكو بالزربة حطيتو على فخاذي نغطي فيهم..و رجعت شفت معاه..
أنت تقرأ
__❄عيون_الجليد❄__
Action#منقولة __❄عيون_الجليد❄__ معروف عن المافيا الايطالية ان تنظيمها بالرُتب..و لكل عضو رتبته الخاصة و من بين اهم قوانين المافيا الايطاليا🔪😱ان العميل اذا مات تتولى مهامه زوجته😈🔥..و تعرف بعدها بإسم عيون_الجليد❄💣✌.. 🌸انطلاقا من ها...
