الحلقة26:
هشام يحكي:
فتحت باب الدار دخلت..غلقتها مورايا..طاحت عيني على بيتها..تبسمت..قربت ليها..فتحتها بلعقل..اول ما دخلت ضربتني ريحتها..لتو مزالها..غمضت عينيا بقوة..خذيت نفس طويل من ريحتها..جات بين عينيا صورتها صباح..ضحكت..منعرف كيفاه عملت معاه هكاك..وقت تبدا بين يديا و قدامي..نحس روحي شغل رجهت ليامات المراهقة..كلش فيها سبيسال..ريحتها..ضحكتها..شفافها لي مخلاوش فيا عقل..كل ما نقول راح نبعد نلقى روحي نقرب اكثر و نغرق فيها اكثر..فتحت عينيا على صوت الباب لي قاعد يدق بالقاوي..عقدت حواجبي..خرجت و غلقت باب البيت مورايا..زربت فخطواتي لباب فتحتها..عقدت حواجبي و انا نشوف فيها..
انا: ليديا !!
طلعت راصها ليا..تشوف معا بعينين مدمعين..باين فيها كانت تبكي..
ليديا: ه هشام
شدتني من يدي..طلعت حواجبي مستغرب..جبدتها لداخل و غلقت الباب..
انا: واش بيك ؟
ليديا: شكون هاديك !!
انا: شكون ؟
ليديا: لي راهي ساكنة فدارك معا خالتك
عينيا وساعو..محسيتش لروحي كيفاه شدستها من كتافها بالزربة..نهز فيها و نحكي..
انا: ويين شفتيها..احكككي
ليديا: شفتهاا وقت رحت لداارك..و خاالتك قالت تخدم معاك
نزلت يديا شوية شوية عليها..عديت يدي على وجهي بالزربة..منعرفش واش صرالي بالضبط..
انا: و هي شافتك
ليديا: شاااافتني..شااافتني و شوووف واااش عملت فيااا
عقدت حواجبي نشوف معاها تنحي فالضماد مصبعها..رفداتو في وجهي..ضيقت عينيا نشوف معاه..مجروح كامل..كملت تحكي
ليديا: شففت واااش داارتلي..و قاالت عليا ####
انا: وااااش درتي ل #### بااش دارتلك هكااا
ليديا: قتلها متقربييش لهشااام برك والله هادا واش قلت..
عضيت شفتي..شدني الضحك..الفرخة اليوم صدمتني اكثر من مرة..تي منين جابت هادا كامل..طلعت مشي ساهلة..زميت شفافي..نمنع فروحي باش منضحكش فوجها..منعرف علاه بصح عجبتن الفازة..حبيتها منها..قاطع سلسلة افكاري يديها لي تحطو على وجهي..نزلت بعينيا ليها نسمع فيها تحكي..
ليديا: هشام..منيش مليحة..تعيش متخلينيش..خليني نقعد معاك الليلة
بقيت مركز معاها..تترجى فيا بعينيها..تنهدت..تغيضني..هزيتلها براصي ايه..ضحكت..ترمات عليا حضنتني..لفيت يديا بالسيف على ظهرها..
ليديا: ميرسسسي يا روووحي..نمووت فيك انا
عوجت فمي..حطيت يديا على خصرها جبدتها عليا..
انا: تعشيتي ؟
ليديا: نو مزال
انا: روحي لصالة..نشوف واش نطيب
هزتلي براصي ايه بالزربة..رفدت يدي باستني منها..و جبدت روحها..بقيت نتبع فيها بعينيا حتى دخلت لصالة..تنهدت..معرفتش واش ندير معاها..قد ما فهمتها و هدرت معاها..كلمة نحبك متتنحاش من فمها..دخلت للكوزينة..قبل ما نقرب للفريجيدار..طاحت فبالي..ضحكت..جبدت تيليفوني..تكيت عالطابلة..مقدرتش نصبر لغدوة..عيطتلها..شوية و ردت
فيرا: ش شكوون
ضحكت على جنب..صوتها ناعس..عرفتها كانت راقدة..
انا: تردي من غير ما تشوفي شكون
سكتت شوية و رجعت حكات..
فيرا: ااه هشام هادا نتا
انا: مممم كنتي راقدة ؟
فيرا: مممم علاه مزال مرقدتش ؟
انا: والو غير مشغول
فيرا: علاش نودتني بصح ددك
انا: حبيت نتأكد بلي نتي هي فيرا
فيرا: واش قصدك ؟
انا: مور ما عرفت لي درتيه لي درتيه فليديا حبيت نعيطلك نشوف ادا نتي هي الطفلة لي نعرفها صح ولا كاش مخلوق غريب
أنت تقرأ
__❄عيون_الجليد❄__
Action#منقولة __❄عيون_الجليد❄__ معروف عن المافيا الايطالية ان تنظيمها بالرُتب..و لكل عضو رتبته الخاصة و من بين اهم قوانين المافيا الايطاليا🔪😱ان العميل اذا مات تتولى مهامه زوجته😈🔥..و تعرف بعدها بإسم عيون_الجليد❄💣✌.. 🌸انطلاقا من ها...
