__❄عيون_الجليد❄__

22

لحلقة22:
فيرا تحكي:
متكية عالطونوبيل..يمكن كون مكنتش متكية راني طحت..نحس فروحي نرعش..سناني يتخابطو..نشوف معاه..مقدرتش نحكي..مقدرتش نخرج لحروف..صدمني..متوقتهاش منو..باقي يشوفمعايا من غير حتى كلمة..شوية و عدا يدو على وجهو..نفخ بالقاوي..عطاني بالظهر بعد عليا بخطوات..طلع راصو لسماء..بقيت مركزة معاه..منعرفش بالضبط واش حاسة..منعرفش واش هاد الاحساس..نحسفقلبي راح يخرج مبلاصتو..رجليا مشي حامليني..من جيهة نرعش مالبرد..و من جيهة اخرى من بوستو..من شفافولي كانو فوق شفافي مزلت نحس بحرارة بوستو..بوستو لي وصلتلي بزاف حاجات مقدرتش حتى نفهمهم..مقدرتش نفهم..لتو نحس بيهم..يتو نحس بيديه لي كانو على خصري..قد ما حكيت و قد ما وضفت مراحش نوصف احساس لي حسيتو..وجيعة فكرشي..قلبي يخض بالقاوي..نحس فطرافي ينملو..حتى مقطرات الماء لي هابطين عليا مشي حاسة بيهم..اكلش حاسة بيه هو قلبي..و كلش قاعدة نسمع فيه هو قلبي لي قاعد يعيط بإسمو..و كلش نشوف فيه هو هشام لي مقابلني و عاطيني بالظهر..هشام لي نعشقو..هشام لي نموت و نحيى بيه..هشام لي نتنفسو..هشام حبيبي انا..و ملكي انا..مفهمتش ليصرا دك.. مفهمتش هاد الاحساس لي تملكني..الحاجة الوحيدة لي فهمهتها اني نعشق هادالانسان لي راح قدامي.. دموعي نزلو وحدهم..يحرقو..حرقووني خاطر عارفاتو مشي تاعي..حرقوني خاطر الانسان هادا لي راح قدامي ممنوع عليا..خاطر عمرو ما راح يكون ليا..عمري ما راح نملكو..عمري ما راحنعيش معاه مهنية..عارفة روحي غلطت..عارفة روحي مكانش لازم نحب..تي هو بفمو قالي متحبيش..
حطيت يدي على فمي..نحبس فشهقاتي..باسني و بعد..باسني و تخلى عليا لثاني مرة..حسسني انو نادم..انو كاره لي عملو..خذيت نفس طويل..بعدت شوية عالباب..رفدت يدي بالسيف حطيتها عليها باش نفتحها..حابة نروح..حابة نبعد من هنا..منيش حابة نضعف قدام هاد الاحساس..منيش حابة نتراجع..الحب هادا لازم يموت داخلي..منيش حابة نرجع نشوفو بعد مابعدو خلاني..قد ما عشقتو قد ما وجعني الجاست تاعو..وجعتني نسمة لهواء الباردة لي ضربتني وقت عطاني بالظهر..وجعني الندم لي حسيتو تملكو..هشام وجعني بأبسط تصرفاتو..