الحلقة28:
شد فران بالقاوي..طلعت راصي للبلاصة..عقدت حواجبي..رجعت تلفت ليه..
انا: علاه جينا لدارك ؟
مردليش..نزل و خبط الباب موراه..بلعت ريقي بالسيف..عقلي قاعد يصورلي بزاف حاجات..زعما حاب نكونو واحدنا باش يدير واش يحب ؟..تي انا كنت نصبر فروحي غير بخالتي وردية طريق كامل و انا نقول ميديرلي والو هي تسلكني منو..فلخر جابني هنا..رجليا ولاو يترعدو مالخوف..فتحلي الباب..طلعت راصي ليه..
هشام: اهبطي
انا: ع علاه
هشام: فيرااا اهبطي متزيديش عليا
بلعت ريقي بالسيف..يا ناري عليك ياا فيرا شبابك و عمرك راحو خسارة..عمري ما تخيلت نموت بين يدين شيطان..خرجت رجلي بالسيف..و رجعت شفت معاها..نحكي بصوت يادوب يتسمع
انا: صحا بعد شوية خليني نهبط
نفخ بالقاوي..بعد بخطوات للور..هبطت بالسيف..رجلي لتو مزالها توجع و الدم فيها..غلقت الباب مورايا..وقفت قدامو قد قد..قلب عينيه و عطاني بالظهر و راح..لحقتو..نمشي بالسيف..رجلي توجع فيا..محاولش حتى انو يتلفت ليا..منعرف كيفاه قدرت نوصل عند الباب..بقيت واقفة موراه..عينيا تعمرو بالدموع فهادوك الثواني لي كان يفتح فيهم فالباب..من جيهة مالخوف و من جيهة اخرى ملوجع لي فيا..فتح الباب..دخل..خذيت نفس طويل نهدي فروحي..لحقتو..طبعت الباب مورايا منعرفش حتى ادا تغلقت و لا لالا..تلفت ليا..طاحت عيني فعينو..هانا رجعنا وحدنا..و دك؟..كيفاه راح نموت..بلعت ريقي بالسيف..نزل بعينيه..لرجلي..كحركة لا ارادية رجعتها للور..طلع حواجبو..يحكي
هشام: روحي لصالة راني جاي
قبل ما نلحق نحكي عطاني بالظهر راح لبيتو..لثواني بقيت مسمرة فبلاصتو..نبرة صوتو الباردة خلاتني نفقد حواسي..خلات دموعي ينزلو اكثر..عمرو ما حكى معايا بهاد الطريقة..عمرو ما وصل تعامل معايا هكا..رفدت يدي بالسيف..نمسح فدموعي..تمشيت لصالة بالسيف..ترميت عالفوتاي..قلبي نحس فيه راح يخرج مبلاصتو..شوية و دخل..طلعت راصي ليه..مشافش فيا اصلا..قرب لعندي..بقيت نتبع فيه بعينيا..قعد عالطابل مقابلني..محكى حتر حرف..رفد رجلي بلعقل..حطها فوق رجلو..غمضت عينيا و رجعت فتحتهم..شديتو من كتفو..فتح لبوات فارماسي لي جابها معاه..اول ما حط لقطن عالجرح كبست على كتفو بكااامل قوتي ملوجع..عضيت شفتي..و غمضت عينيا..دموعي نزلو اكثر و اكثر..و صوتي مقدرتش ميمبا نطلعو..بقيت كابسة عليه..كل مرة لوجع يقوى اكثر نغرس دفرتيا فيه اكثر..و حتى هو مطلع حتى صوت..دقايق و جبد يدو..فتحت عينيا بلعقل..طاحت عيني فعينو..نظرتو باردة..باااارظة عاللخر..حسيتها موس تغرس فيا..نزل بعينيه لكتفو لي شايداتو..فهمت روحي..جبدت يدي بلعقل..حطلي رجلي بالسياسة عالارض..وقف..رفد لابوات في يدو و عطاني بالظهر يحكي..
هشام: كي يحبس لوجع روحي لدار
عينيا وساعو من كلامو..منعرف كيفاه وقفت بالزربة..
انا: كيفاه ؟؟
تلفت ليا..طلع حواجبو..رجع حكى..
هشام: كي يححبس لوجع روحي لدار..جاتك واعرة باش تفهميها هادي ؟
أنت تقرأ
__❄عيون_الجليد❄__
Action#منقولة __❄عيون_الجليد❄__ معروف عن المافيا الايطالية ان تنظيمها بالرُتب..و لكل عضو رتبته الخاصة و من بين اهم قوانين المافيا الايطاليا🔪😱ان العميل اذا مات تتولى مهامه زوجته😈🔥..و تعرف بعدها بإسم عيون_الجليد❄💣✌.. 🌸انطلاقا من ها...
