I Only Love You

Thirty Four🐰🐯💜

Unicode

NaYoung သိတာပေါ့။ Nam Joon Oppaက Kim Seok Jinကိုစိတ်ဝင်စားနေတာကို.. Oppa ကသူ့ကိုယ်သူသတိမထားမိသေးတာဘဲရှိတာ။ Kim Seok Jin ဆိုသည်မှာလည်း ယောင်္ကျားလေးသာဖြစ်တာ မျက်နှာလေးကအုဖက်ပြီးမိန်းမထက်တောင် လှနေသေး။ ဘာဘဲဖြစ်ဖြစ်လေ Han NaYoung ဆိုတဲ့မိန်းမကလိုချင်တာကို ဘာနည်းလမ်းသုံးရသုံးရ ရအောင်ယူမှာ..။

--------------------------------------------

ဒီနေ့မှထူးထူးဆန်းဆန်း Han NaYoungက စကားတွေလာပြောနေသဖြင့် Seok Jinအံ့ဩနေသည်။

"အော် ဒါဆို Seok Jin Oppaကအတိတ်မေ့နေတာပေါ့.."

"အင်း.."

"ဒါနဲ့လေ Seok Jin Oppa.. ညီမဒီည Nam Joon Oppaကိုဖွင့်ပြောမလို့.. အဲ့တာ.. Oppaကဒီညရှောင်ပေးပါလား.."

"ဟမ်..."

"ဘာလို့လဲဟင်.. အဆင်မပြေလို့လား"

"မဟုတ်ပါဘူး.. အဆင်မပြေစရာမရှိပါဘူး.. ဒါဆိုခုညစာချက်ပြီးရင်သွားတော့မယ်လေ.. မနက်မှပြန်လာခဲ့ရမလား"

"အင်း.. မနက်မှဆိုရင်တော့ကောင်းတာပေါ့... ဟီးး"

Seok Jin အိမ်ကနေထွက်သာလာတာ ဘယ်ကိုသွားရမှန်းလဲမသိတာနဲ့ အိမ်နားရှိပန်းခြံထဲသို့သွားကာထိုင်နေလိုက်သည်။ ထို့နောက် ၂၄နာရီဖွင့်တဲ့ internet cafe မှာထိုင်ကာ ဂိမ်းဆော့နေသော်လည်း ပွဲတိုင်းလိုလိုအရှုံးများသာ.... ဒီအချိန် အကိုဘာလုပ်နေမလဲကို တွေးမိ‌နေပြီး နာကျင်‌နေရသည်။ ထိုညမှာ Seok Jin သိလိုက်ရတာက သူ..အကို့ကိုချစ်မိနေပြီ...

မနက် Seok Jinအိမ်ကိုပြန်လာတော့ ဝင်ဝင်ချင်းဘဲ မြင်လိုက်ရတဲ့မြင်ကွင်းကြောင့် ရင်ဝကိုအကန်ခံလိုက်ရသလိုခံစားလိုက်ရသည်။ Han NaYoung ကအကို့ကို Necktie စီးပေးနေသည်။ Seok Jinလည်းတစ်ချက်ကြည့်ကာ ဘာမှမပြောဘဲ အခန်းထဲတန်းဝင်ကာ အိပ်လိုက်တော့သည်။

NaYoungအလွန်ကျေနပ်နေမိသည်။ ခုနကတံခါးဖွင့်နေသံကြားမှ Nam Joon Oppaရဲ့ Necktie စောင်းနေတယ်ဆိုပြီးတမင် Seok Jinမြင်အောင်လုပ်ပြခဲ့သည်။ ညကလည်း Nam Joon Oppa ကိုဖွင့်မပြောခဲ့ပါ။ ဖွင့်ပြောရင်လည်း ငြင်းခံရမည်ကိုသိသည်။ ဖွင့်ပြောဖို့အတွက်ဆို အရင်ဆုံး Kim Seok Jinကို Nam Joon Oppaနဲ့ဝေးရာကိုပို့ရဦးမယ်မလား...