Unconditional Love { Uni & Zaw } [ COMPLETED]

🏳️‍🌈14🏳️‍🌈 { Unicode }

Final Exam အတွက် အပတ်တကုပ် ကြိုးစားနေကြတာမို့ အရင်လို တီတီတာတာ စကားတွေ ပြောဖို့ အချိန်မရှိခဲ့။

တွဲနေတဲ့ ၄ လအတွင်း သိလာတာ တစ်ခုက ဆက်ပိုင် က ကျွန်တော့်ကို အရမ်းချစ်တယ် ဆိုတာ

ဖြူစင်လွန်းတဲ့ ဒီကောင်လေး ကို ကျွန်တော် လှည့်ဖျားခဲ့တာ ကြာလာတော့ အားတောင် နာလာရသည်။

ဆက်ပိုင် - ကိုကို ဘာတွေ တွေးနေတာလဲ။

မာန် - ဟိုကြောင်း ဒီကြောင်း။

ကျွန်တော်ထိုင်နေတဲ့ နားကို ရောက်လာပြီး ဘေး၀င်လာသော ဆက်ပိုင်။

မာန် - Honey စာတွေ ရနေပြီလား။

ဆက်ပိုင် - အင်း ရပြီ။ ဒါပေမယ့် နည်းနည်းတော့ ခက်တယ်ရယ်။

ပခုံးလေးပေါ်  ခေါင်းလေးတင်လာတော့ သဘောကျစွာ ခေါင်းလေးကို ဖွလိုက်မိသည်။

ဆက်ပိုင် - ဒါနဲ့ ကိုကို စာမေးပွဲ ပြီးရင် ပြန်မှာလား။

မာန် - ၂ပတ်တော့ ပြန်မယ်။ ဘာလို့လဲ။

ဆက်ပိုင် - ၂ပတ်တည်းလား။ ဒါဆို Honey က လွမ်းနေရတော့မှာ။

မာန် - Why!

ဆက်ပိုင် - Honey က ဖေဖေ့ ကုမ္ပဏီ မှာ အလုပ်သင်အနေနဲ့ ၀င်ရတော့မှာလေ။ ကျောင်းပြန်ဖွင့်မှ ကိုကို နဲ့ တွေ့ရတော့မှာ။

မာန် - ညတိုင်း ဖုန်းပြောကြမယ်လေ။

ဆက်ပိုင် - ကိုကို နောက်နေတာလား။ Honey အိမ်အကြောင်း သိရဲ့သားနဲ့။

ဟုတ်သားပဲ။ သူ လုံး၀ကို မေ့နေခဲ့တာ။ ဆက်ပိုင် အိမ်က အခုတလော ဘာစိတ်ကူးပေါက်လဲ မသိ ဆက်ပိုင် ကို အတင်းစည်းကမ်းတင်းကျပ်နေတာ။

မာန် - Honey! တစ်နေ့နေ့ တစ်ချိန်ချိန်ကျ ကိုယ် Honey နဲ့ လမ်းခွဲမယ်ဆို Honey ဘယ်လိုလုပ်မှာလဲ။

ကျွန်တော့်လက်ကို ကိုင်ပြီး ဆော့ကစားနေသော ကောင်လေးဟာ ထိုမေးခွန်းကို မေးလိုက်တော့ ဆော့ကစားနေတာကို ရပ်ပြီး ကျွန်တော်နားမှ ထွက်သွားလေရဲ့။

၀ရံတာပေါ် လက်ထောက်ပြီး ကောင်းကင်ပေါ်မော့ကြည့်နေတဲ့ ကောင်လေးကို ကြည့်ရင်း ဘာမှန်းမသိတဲ့ ခံစားချက်ကြီး ကို ခံစားလိုက်ရသည်။