Unconditional Love { Uni & Zaw } [ COMPLETED]

🏳️‍🌈33🏳️‍🌈 { Unicode}

ဒီနေ့ သားလေး ရမာန်မိုးပြည့် ရဲ့ ရက်၁၀၀ ပြည့် မွေးနေ့ ! မိသားစုသုံးယောက်လုံး ဆင်တူလေးတွေ ၀တ်ထားကြတာ အရမ်းကို ချစ်ဖို့ကောင်းသည်။

အဖေနှစ်ယောက်က ရှပ်အင်္ကျီအဖြူကိုမှ ပိုးပုဆိုး နက်ပြာလေး ၀တ်ထားပြီး သားသားကိုလည်း အင်္ကျီအဖြူလေးနဲ့ နက်ပြာရောင် ဘောင်းဘီလေးကို ၀တ်ဆင်ပေးထားသည်။

- ဘိုးဘိုးကြီးနဲ့ မြေးက ချစ်စရာလေးကွာ

မြေးဖြစ်သူကို ဦးမာန်မင်းရောင် မှာ ချစ်မ၀ ဖြစ်နေရှာသည်။ အရင်က ဘယ်လောက်ပဲ Gay တွေကို မုန်းခဲ့ ရွံ့ခဲ့ အခုတော့ သမတ်ဖြစ်သူကြောင့် အမြင်မှန်တွေပါ ရလာပြီ။

- သားတို့ ဘုရားသွားပြီးရင် ပြန်လာမှာလား။

မာန် - မလာဘူး မေမေ။ မိုးသားရိပ် ဆိုတဲ့ မိဘမဲ့ ဂေဟာ မှာ အလှူလေး သွားလုပ်မယ်။ ပြီးရင် သားသား ကို တိရစ္ဆာန်ဥယျာဥ် လိုက်ပို့ရအုံးမယ်။

- ဘယ်ချိန် အိမ်ပြန်လာမှာလဲ။

ဆက်ပိုင် - ညနေ ၅နာရီတော့ အရောက်ပြန်လာမှာပါ။ ဘာလို့လဲ အမေ

- မွေးနေ့ပွဲလေး ကျင်းပရမယ်လေ။ ညကျရင် လာကြမဲ့ ဧည့်သည်တွေအတွက် ပြင်ဆင်ရအုံးမယ်လေ။

ဆက်ပိုင် - ဟုတ်သား! ကျွန်တော်တို့ မေ့နေတာ။ ဟီး စောစော ပြန်လာခဲ့ပါမယ် အမေ

ဒေါ်သော်တာဆွေ သားဖြစ်သူကို ကြည့်လိုက်တော့ မိမိကို စူပုတ်စွာ ကြည့်နေတာမို့ မမြင်ချင်ယောင်ဆောင်ထားလိုက်သည်။

ဒီနေ့ကို အထူးပြုပြီး ဆက်ပိုင် ကို အသားယူမဲ့သူက မာန် !

ဆက်ပိုင် - ဒါဆို ကျွန်တော်တို့ သွားတော့မယ် အဖေ နဲ့ အမေ

အဘိုးအဘွား နှစ်ယောက်က မြေးငယ်လေးကို အနမ်းတွေ ခြွေလိုက်သည်။

မာန် ကားဘယ်ဘက်က တံခါးလေးကို ဖွင့်ကာ ဆက်ပိုင် နဲ့ သားသားကို အဆင်သင့် စောင့်ကြိုနေလိုက်သည်။

ဆက်ပိုင် လည်း ချစ်ရသူကြီး ဖွင့်ထားပေးသော ကားတံခါးအခြမ်းဘက် သွားကာ Love Set မှာ ၀င်ထိုင်လိုက်သည်။