အိပ်မပျော်သောည ၄ (ရေချိုးခန်း ၄)
=====================
အရက်မူးနေသော လန်ဝမ်ကျီး🍷🍷🍷
======================
"...." ဝေ့ဝူရှန့် " မင်းပါးစပ်ကိုဖွင့်လိုက် "
လန်ဝမ်ကျီးက အေးစက်စက်စူးစိုက်ကြည့်ရင်း ဦးခေါင်းကိုပိုမော့လိုက်၏။ ကိုယ်ကို ရှေ့သို့အနဲငယ်တိုးမှီလာရင်း ပထမလက်ဆစ်မှ ဒုတိယလက်ဆစ်များသို့ တိုးရွေ့လိုက်၏။ သူကပိုမို ပြင်းထန် စွာ ဆက်လက် ကိုက်ခဲလိုက်ပြန်သည်။
ဝေ့ဝူရှန့် " ဝိုး..."
ပြီးမှ...
လန်ဝမ်ကျီး အနည်းငယ်စိတ်ပြေ. သွားကာ လျော့ပေးလိုက်၏။ ဝေ့ဝူရှန့်သည် အခွင့်ရေးရရခြင်း လက်ချောင်းများကို ဆွဲထုတ်ကာ ဘေးသို့လှိမ့်ချ၏။ အကိုက်ခံရ၍ သူ့ဆံပင်များပင်ထောင်သွားသည်။ အကိုက်ခံတိုင်း သူ့စိတ်ထဲတွင် ခွေးများကို တွေးမိနေ၍ ခွေးများဟုတွေးမိတိုင်း သူ့တစ်ကိုယ်လုံးမှအမွေးများထောင်လာတတ်သည်။ ဝေ့ဝူရှန့် လုံလောက်သော အကွာဝေးသို့ လှိမ့်မပြီးသေးခင် လန်ဝမ်ကျီးသည် ဘီချန်ကိုဓားအိမ်ထဲမှ ဆွဲထုတ်ကာ ထိုင်အုံးကို ထိုးချလိုက်ရာ ဝေ့ဝူရှန့်၏ ဝတ်ရုံအစွန်းမှာ ကြ.မ်းပြင်ဝယ် တွယ်ဖောက်ချုပ်နှောင်မိနေ၏။
(ထိုင်အုံး..ကြ.မ်းပြ.င်ပေါ် ထိုင်ရာတွင် ခင်းထိုင်သည့်အရာ )
သူတို့နှစ်ဦးစလုံး ကြာပန်းမြိုင်တွင်ဝတ်ဆင်ခဲ့သည့် အဝတ်များကို လဲလှယ်ခဲ့ပြီးဖြ.စ်၏။ ၎င်းတို့မှာ အထူးချုပ်လုပ်ထားသည့် အကောင်းစားအဝတ်ထည်များဖြ.စ်၍ အလွယ်တကူ မစုတ်ပြဲ နိုင်ချေ။ သူသည် အကျီထောင့်စွန်းကိုဆွဲခံထားရ၍ ပိုဝေးဝေးမလှိမ့်နိုင်တော့ဘဲ ပြောမိပြောရာပြောလိုက်၏။
" လန်ကျန့်... မင်းကြည့်စမ်း... ထိုင်အုံးနဲ့ တည်းခိုခန်းကြ.မ်းပြ.င် ကိုဖောက်လိုက်တယ်... မင်းမကြာခင်အလျော်ပေး..."
သူ့စကားမဆုံးခင် တစ်စုံတစ်ဦးက သူ့အကျီဂုတ်ပိုးစကို ရုတ်တရက်ဖမ်းဆုတ်ကာ နောက်သိုတရွတ်တိုက် ဆွဲလိုက်၏။ ဝေ့ဝူရှန့်ကျောပြင်မှာ ထိုသူ၏ရင်ဘတ်ဖြင့်တိုက်မိ၏။ လန်ဝမ်ကျီး၏အသံတိမ်တိမ်မှာ သူနားရွက်ဘေးဝယ် မိုးကြိုးပစ်သလို ထွက်ပေါ်လာ၏။
