ရေချိုးခန်းမှအချစ်
🚨 sexual warning 🚨
======================
လန်ဝန်ကျီး၏ မျက်ခမ်းများတွင်ရေစက်ရေပေါက်လေးများတွဲခိုနေကြပြီး ချောမောခန့်ညားမှုများက အလွန်ပင် အသဲယားစရာကောင်းနေသည်။ သူ့ပုံစံမှာ အေးတိအေးစက်နိုင်သော်လဲ မျက်ဝန်းတွေထဲမှာ လောက်မြိုက်မှုတခုရှိနေ၏။
ယခုညတွင် ဝေ့ဝူရှန့်သည် လက်ညိုးဖြင့်ဖွဖွထိုးခြင်း ၊ စနောက်ကျီစယ်ခြင်းစသော အလားတူနည်းလမ်းများကို မရေတွက်နိုင်အောင် လန်ဝန်ကျီးအပေါ် လုပ်ခဲ့ပေမဲ့ လန်ဝမ်ကျီးက သူ့ကိုခွင့်ပြု.ထားခဲ့သည်။ ယခု ဒီနေရာမှာ သူက ရုတ်တရက် ဟန့်တားနေ၏။ ဝေ့ဝူရှန့် ရဲတင်းစွာမေးလိုက်၏။
"ဘာလို့လဲ..။ တချိန်လုံး မင်းဘေးမှာ အရူးထနေတာကိုခွင့်ပြု.ထားပြီး အခုမှဘာလို့တားနေလဲ?... မင်းကိုအရင်ထဲကထိနေတာ ကြာလှပြီ ...ခုမှဘာလို့ထိလို့မရတော့တာလဲ"
လန်ဝန်ကျီးကနုတ်ခမ်းများကို တင်းတင်းစေ့ထားပြီး ဘာမှပြန်မပြောပါ။ လန်ဝန်ကျီးစိတ်ဆိုးသွားလား? ဆိုတာ ဟုတ်..မဟုတ် ပြောရန်ခက်လှသည်။ ဝေ့ဝူရှန့်မှာ အနည်းငယ်စိတ်မလုံမလဲဖြ စ်သွားကာ
"ကောင်းပြီ...။ ဒါဆိုလဲ မင်းကိုမထိတော့ဘူး။ မင်းဘာသာရေချိုးတော့"
ပြောပြီးနောက် ပုဝါစကိုချကာထွက်သွားရန်ပြင်လိုက်သည်။ သို့သော် လန်ဝန်ကျီးက သူ့လက်ကောက်ဝတ်ကို မြဲမြဲ ဖမ်းကိုင်ရင်း တားဆီးလိုက်သည်။
" မင်း..သွားခွင့်မရှိဘူး "
သူ့လေသံမှာအမိန့်ဆန်လှသည်။
ကြိုးစားခြင်းနှင့်ကျရှုံးခြင်း အကြား သူဘာသာ အကြိမ်အနည်းငယ် လွန်ဆွဲပြီးနောက် ဝေ့ဝူရှန့်မှာ စိတ်ကိုပြန်ထိန်းရင်း ထွက်မသွားဘဲနေလိုက်သည်။ ထို့နောက် သူ့လေသံကိုထိန်းရင်း
"ဟန်ကွမ်းကျွမ်း... မင်းဘဲ ငါ့ကိုမျက်နှာသစ်ပေးခိုင်းပြီး မထိစေချင်ပြန်ဘူး။ ငါသွားမယ်ဆိုတော့လဲ မသွားခိုင်းဘူး... ငါကို ဘာလုပ်စေချင်တာလဲ? "
"--"
လန်ဝန်ကျီး ခဏငြိမ် သွားကာ ရင့်သီးသောလေသံဖြင့်
"ဘာဘဲဖြ စ်ဖြ စ်... မင်းကိုသွားခွင့်မပြုဘူး "
