ظلام عُمر

( 6 )

#ظلام_عُمر
#رقيه_عباس

في بحرِ عينيكِ هامت ڪُل أشواقي ياربَة الحسِن هل تنوينَ أغراقي؟

زينه:- وجان يفوت عمر وكلها تلكته بالسلام والهلا وكأنو مشايفي سنة بس هوَ جان جوابه او حركاتها كلها جمود ماعرف اذا هوَ هيج او جان تعبان او جان متقصد هيج يتعامل  ممهتم وابتسامه بسيطه ومُتصنعه مرسومه على شفايفه

حاولت اركز عليه شكله مجان الشكل الي جنت اتخيله او المواصفات الجنت اريدها بزوجي المستقبلي او الاصح فارس الاحلام

جنت مركزه عليه حتى انتبه على ملامحه ماعرف ليش ، من دار وجهه ما ركزت جريت نفس حسيت ملا صدري و رحت للغرفو مال سرور وعفت خاله تعاتبه واني صافه افكر بـ موضوعي وحياتي من توفو اهلي لهسه اني بس اتصفن على حياتي

اجت سرور وصحتني من صفنتي

سرور:- يلا زوزو تعالي نتغده

زينه:- يا واكعد ويه عمر نفس المكان وحتى ميعرفني الولد لا عيب بعدين هوه هسه جاي يعني يجوز يريد يحجي وياكم اكعد اني جني بومه كدام الولد

جاوبتني وهيه تضحك

سرور:-  لج عيني تعالي هاي شبيج  واصلا كال متغدي بالطريق بس ابويه لح عليه وكله ازعل اذا ماكعدت وهيج كعد مياكل

زينه:- اي عادي بس مانزل اصلا اني مو جوعانه وداعت سرور العزيزه

باوعتلي صفح وعوجت حلكها

سرور:- امم شلون احنه ديلا عود اذا جعتي المطبخ كدامج اني اروح اتزقنب

ضحكت و غمتني وراحت

من نزلت سرور كمت رتبت ملابسي ورحت اباوع على وجهي بالمرايه اول مره اركز بوجهي هيج من بعد كلشي جنت عادي اوكف كدام المرايه صدفه واخطف نظره سريعه

وين جنت وين صرت من جانو اهلي موجودين جان عندي خدود وماكو هالات جوه عيوني و الضحكه متفارك وجهي وكلها تكلي ماعندج هموم وهسه صار

اكبر هم بحياتي "هيه الحياة نفسها "

اباوع عيوني حمر و اكو هالات جوه عيوني و ماكو خدود و ملابسي لون اسود بعدت ملابسي باوعت على اثار الحرك شكله احمر حسيت جتفي تشوه و صايره صفره على كولت خاله ام ادم جنج كراط حجار

من جنت يم بيت عمي جان تقريبا وزني 45 من هلكد ما ضعفت و هسه وزني دخل الخمسين

بس احس عايشه بلا هدف تركت الدراسه واني سادس والدراسة جانت اهم شي عندي وعند اهلي خاله حاولت تقنعني بس ماردت ازيد حمل عليهم

جانت اكو هواي خطط ببالي واصبر نفسي حتى ادخل الـ 18

بس ما توقعت الي صار والي راح يصير

___

كملنه الغده وصعدت حتى اصلي وفعلا كملت صلاه  ورحت خليت علاج المكان الحرگ ورحت للجربايه تمددت جفتت ست سرور و هيه تطگ اصبع