#ظلام_عُمر
#رقيه_عباس
قراءه ممتعه
كُلما قررتُ التراجع والإبتعاد عنك جرَني قَدري إليك.
دخلت وعيوني تفتر بالبيت اريد شي أو شخص يكلي جذب اريد واحد يجذب الي سمعته فَـجأه صار عُمر بوجهي كدامي!
وكَف عُمر بس انتبه علينه خاله راحت تسلم عليه وتتحمدله بالسلامه جاوبها وهوَ يتسائل
عمر:- الله يسلمج يمه ، زينه شبيها ليش بالمستشفى؟
ام ادم:- يا ابني البيت نور بجيتك
آدم:- مو كلت بعد عندي شغل ويمكن اتأخر
عُمر بنفاذ صبر:- كملت شغلي ورجعت
ام ادم:- يمه بعد لا تسافر وتطول هواي وعلي نشتاقلك طاگ گلبي عليك
عُمر:- ادري اسحب الحجي بالقطاره غير تحجون زينه شبيها
ام ادم:- احم يمه خير مبروك زينه حامل وليدي
راح تصير اب حبيبي
كلها صفنت على عُمر وزينه من ضمنهم ينتظرون رد فعل عُمر ما لزمت دموعها اكثر من شافت صدمته البارده عافتهم وصعدت حَست اذا راح تبقى مُمكن تنهار كدامهم..
_____
سرور
واكفه بصف عُمر وانتظر شنو راح يكول من صعدت زينه كلش انقهرت ردت اصعد بس كلت خل اشوف عُمر شنو ممكن يكول بس!
مكال شي بس هز راسه وطلع
ردت اصعد الزينه بس صوت آدم وكفني
آدم:- عوفيها وحدها هسه لا تضغطون عليها يجوز انقهرت من رد فعل عمر البارد
ام ادم:- اي يمه عوفيها فد نص ساعة ساعة واصعديلها هسه اكعدي
رحت للطرمه شفت عُمر واكف ويدخن بالحديقه ويدور حول نَفسه باينه عليه الحيره
كل شويه يلزم راسه ويعقد حواجبه ويرجع يصفن
بما انو عُمر من النوع الكتوم ميحجي يبقي الي يحس بي بگلبه وحتى اذا عصب مستحيل يحجي كل شي لهذا جنت متأكده من حيرته
ضليت واكفه واشوفه يروح ويرجع وجگاره وره جگاره يفتر ومبين عليه القهر والتوتر ماعرف شنو اوصف الحاله مالته بـ هذا الوقت لان اني نفسي ما فهمت بس كل الي اجه ببالي انو "حن وتذكر جوهره" وانقهر اكثر على زينه! مجرد احتمال ان تذكرها وهوَ ما ناسيها
قطع صفنتي صوت آدم وهوَ يسألني على عُمر
آدم:- وين عمر طلع؟
سرور:- لا هذاك بالحديقه
هز راسه وهوَ يتنهد
سرور:- شبيك
آدم:- شبيه؟
سرور:- ماعرف مو على بعضك اكو شي صاير؟
ادم:- لا بس ما جاي تشوفين حال عُمر وادهم واحد ميهمه الدنيا شبيها وابرد من الثلج لو يموت واحد من عدنه ماعتقد يهتم ، واحد يحب وحده متوالمه من كل النواحي وجان منتظر يجي طفل وراح لو مشاكل اشواق ويه زينه وحال زينه يعني تردين اغني واركص
أنت تقرأ
ظلام عُمر
General Fictionأنا العاشق السيء الحظ ، لم أستطع الذهاب اليكِ ، لم أستطع الرجوع الي . اقدم لكم (( ظلام عُمر)) انا رقيه عباس #ظلام_عمر
