ظلام عُمر

( 55 )

ظـلام عـمـر

لا أستطيع إخماد
نار احرقتها بداخلك.

علي:- اني لو عُمر؟ بسرعة اختاري

حاولت افلت روحي منه واني احجي
زينه:- عـ عُمر

نطقت اسم عمر وحسيت السجينه تنغرز بخصري وصـوت الجلد يتمزق هوَ والقماش واحس بحرارة الدم..

سحب السجينه بحركه سريعه وفرني عليه وجهي صار بوجهه
السجينه جانت مو مال مطبخ او فواكه جانت صغيره ومنبله

عضني من جتفي وخلى راسه يم اذني وحچه
علي:- خل عُمر يفيدج

جانت لحضات رعب جانت مخيفه ماعرف شسوي اسمع صوت سيارة عمر وتليفوني

بحركه سريعه ولا ارادية ضربته على مكان حساس وشفت هيج شي كزاز رفيع وطويل جريته وضربته بگصته نزل دم من راسه بقى بالگاع متألم ودايخ اخذت شالي وطلعت من الغرفه وقفلت الباب عليه بقى المفتاح بالباب

الوجع مال السجينه ماحسيت بي من الخوف بسرعة خليت شال على راسي وشعري مفتوح خليته جوه ملابسي واخذت تليفوني وطلعت اركض شفت سارته گبالي رحت بسرعة فتحت الباب وصعدت
شغل السياره وهوَ يحچي وعيونه للأمام

عمر:- خمس مرات اتصلت عليج عبالي رحتي وياهم
بالي يمج

ارجف وصوتي ميطلع بعد ما طلعنه من المنطقه گتله
زينه:- لـ لا مارحت

التفت عليه وهوَ يسوق متسائل
عمر:- شكو ليش تـ..

بعده ممكمل واجت عينه على مكان الجرح جنت لازمته وايدي كلها دم بينت على ملامحه الصدمه والخوف رفع ايده يحجي بخوف

عمر بخوف:- شنو شنو شبيج زينه شنو هذا الدم

ما جاوبته مد ايده و وخر ايدي رفع قميصي بايده ومد ايده على مكان الجرح صاح بذهول
عمر:- شنوووو هاي زينه شصاير

حچيت بترجي وعيوني كلها دموع
زينه:- حباب رجعني للبيت

عمر:- شرجعج للبيت اخذج للمستشفى

زينه:- لا لا فدوه عمر رجعني للبيت والله اذا مترجعني اشمر اشمر روحي ما حباب رجعنييي

حچه بصياح وعيونه عليه وعلى الطريق
عمر:- مخبللله انتِ مخبله وين اوديج للبيت باعي حاااالج شصااااار كليلي منو سوه هيج شصااار

راد يفر السياره ويرجع البيت خالي بسرعة عطت خايفه
زينه:- اسويهااا والله واشمر روحيي رجعني للبيت بروح جوهره

حچه بتوعد وجهه احمر دم صار گاز على اسنانه بغضب
عمر:- سهله نرجع للبيت ليش منرجع

حچاها بتوعد وهوَ يهز براسه وعينه بگصته صارت گضه الطريق يصيح ويضرب بالستيرن ويسوق مدري شلون عبالك غير عمرهذا بقيت حاصره روحي يم الباب وايدي على الجرح البديت احس بآلمه ، الحد ما وصلنه صعدت گـبل للغرفه وكلها گاعده بالصاله هوّ بقى بره صعدت ركض فوگ وهمه يحجون ويحاولون يفتهمون