#ظلام_عُمر
#رقيه_عباس
"كل المؤشرات تدل على انها مُصيبه"
للعصر جانو عمو ابو ادم وادهم وادم وخاله كاعدين بالصاله واني وسرور فوك منحس اله باب الشارع نهجم تكسر كمزنه اني وسرور مخترعين سرور نزلت بسرعه بس اني استحيت انزل ضليت فوك افتر بالغرفة اخر شي طلعت للصاله باوعت من الجام جان الباب مفتوح وصوت زلم عالي كلش خفت انزل خاف كاظم هذا
ضليت واكفه يم الدرج راح الصوت رجعت للشباك شفت ادهم دخل ومن بعيد عبالك جاي هداد نزل من السياره وركع الباب حيل ، بس ردت سرور تصعد ماكو تقريبا نص ساعة وصعدت ضايجه
زينه:- شكو سرور شجاي يصير
سرور:- هذا كاظم الحقير جايب زلم وجاي اعتقد من عشيرتكم
هيه بس كالت هيج حسيت گلبي نقبض خفت يرجعوني الهم والله اموت
زينه:- شنو شيريد عفيه
سرور:- والله مادري سويت جاي واجه ادهم يكول غير المي ميتضيفون وحتى المي وهواي عليهم فوك ما جايين هداده مادري شجاي يصير بس عفتهم يصيحون وكملت الجاي واجيت
كعدت على الجربايه اشبه بفقدان الامل اجت سرور كعدت يمي ولزمت ايدي
سرور:- لتخافين اكيد بابا واخواني مراح يخلوج ترجعيلهم والله
زينه:- شبيدهم عليه سرور فوك ما جبت المشاكل الهم
سرور:- لاخافين ادهم اصلا يشتري المشاكل شرايه وادم اصلا محامي ميهمهم المشاكل وهم يعزونج على اخوج الله يرحمه
بعدها تحجي وسمعنه خاله تصيح نزلنه اني وياها لكينه خاله مخليه كرسي بباب الاستقبال وكاعده تسمع
سرور:- ها ماما
ام ادم:- جددي الجاي يمه
راحت سرور ردت اروح بس خاله جرتني وتقربت من الباب اسمع وياها
ادهم:- يابه البنيه شردت من ظلمهم
الرجال:- بنيه وتشرد بالفجريه اكيد عدها شي
ادهم:- عدها شي شنو شو انتَ ما تعرف تحجي
ادم:- من مخلي عگال على راسك مو المفروض تثمن حجاياتك؟
الرجال:- انتو شتفسرون طلعتها
ابو ادم:- شنو شنفسر احنه وشتفسرون انتو جاي نكلك البنيه شردت منهم لان رادو يزوجوها الرجال اكبر من ابوها وهيه رافضه
الرجال الثاني:- بس ميصير تطلع هيج وهمه افهم بمصلحتها اكيد
ادم:- العفو قصدك افهم بمصلحتهم!
كاظم:- مصلحتهم شنو شو كمت تخربط
ادم:- ابني من يحجون الكبار الصغار تسكت
أنت تقرأ
ظلام عُمر
General Fictionأنا العاشق السيء الحظ ، لم أستطع الذهاب اليكِ ، لم أستطع الرجوع الي . اقدم لكم (( ظلام عُمر)) انا رقيه عباس #ظلام_عمر
