ظلام عُمر

( 4 )

#ظلام_عُمر
#رقيه_عباس

دُفنت في احدى المقابر، روحي وليسَ اشخاصاً.

ندكت الباب وطلعت كوثر تفتحه جاي امسح اخر مسحه للكاونتر وسمعت صوت خاله ام ادم شمرت كلشي من ايدي وطلعت اركض مادري حسيت امي اجت مو صديقتها رحت حضنتها وبوستها ودخلنه ضيفتها كوثر وعافتنه وحدنه

ام ادم:- شلونج يمه بالي يمج من السابع الهسه

زينه:- الحمدلله خاله ماشيه انتو شلونكم

ام ادم:- الحمدلله بنيتي بس عمج ضايج من بيت عمج لان ماسوو سابع

زينه:- عادي خاله المهم سوينه ثواب وقروا الفاتحه

ام ادم:- شلونهم وياج يمه گلبي نار

زينه:- يعني زوينين ساعة هيج وساعة هيج

ام ادم:- شلون جاي تكضين الوكت

زينه:- بين البيت والصلاه

ام ادم:- ردت اجيب سرور وياي بس اجه اخوها وبقت تصبله اكل

زينه:- عادي خاله

ام ادم:- يمه بداعتي محتاجه شي مشتهيه شي حتى اجيبه

زينه:- حبيبتي خاله متقصرين بس ماعرفتي شي من ادم؟

ام ادم:- لا والله كل ما اسأله يغلس الحد ما سكتت

بعدنه نحجي ودخلت مرت عمو وكعدت تسولف ويه خاله الى ان رادت تروح خاله العصر كلش حاولت وياها تبقى بس ماقبلت ورادت تنطيني مصرف بس ما اخذت وراحت للبيت هستوها راحت واجت مرت عمو تنگ فوك راسي

لمياء:- ليش ما اخذتي منها؟

زينه:- عمه عيب شسالفه

لمياء:- ليش عيب مابيها شي والله بطرانه ومتعرفين تتصرفين

عافتني وراحت وبعدها تحجي رحت اكمل شغلي لكيت نبأ مكمله عني الحد الليل اجه كاظم الماجان طايق وجودي بالبيت ابد وبس ينافخ ماتحملت كل ميشوفني بس ينافخ ويبسمر رحت للغرفة ابجي من الوضع الاني بي وحتى للعشى مارحت تعشيت حتى يبقى الاكل اله
والحد الساعة بـ12 مالطلعت من الغرفة بس عطشت رحت اشرب مي حتى انام

بعني امشي بالممر بيتهم بي ممر صغير عرضه تقريباً مترين ستوقفني اسمي بصوت كاظم جان يحجي ويه امه اخذني الفضول وبقيت اسمع شيحجون..

كاظم:- يمه كتلج محتاج فلوس روحي اخذي من زينه مو عدها كلتي

لمياء:- يا هسه تكول تدور ورايه

كاظم:- اني زينه ما اريدها بالبيت ولو ما خالها مجذب عليه فلا اطببها للبيت

لمياء:- انت اثول الرجال شعليه

كاظم:- خلصيني منها ما عايز مصاريف زيادة وراتب عمي وقفوا

لمياء:- يعني اشمرهه بالشارع الناس شتكول؟