ظلام عُمر

( 25 )

#ظلام_عُمر
#رقيه_عباس

قراءه ممتعه

وحـتى الما اعرفة يگلي شـو تعبان
أنا تَعبان مِن غيرك .

فقدت توازني بسرعة وكعت على الكاع كمت اصرخ من الالم وشكل الدم ضليت اصرخ بصوت عالي انفتح الباب ودخلت ساره خايفه اجتني تركض

ساره بخوف:- صخام بوجهي ولج زينه هاي شكو شبيج تعالي تعالي

كومتني اخذتني للحمام وطلعت صاحت سرور حتى تخابر عُمر رجعتلي جايبه ملابس اليه غسلتلي ولبستني واني ميته من الوجع حتى ما حسيت بخجل من الوجع ،  لبستني صايه واني اعض ايدي وابجي من الوجع نزلتني ساره وسرور واسمع خاله جوه تصيح متكدر تصعد لان رجلها متكدر

كعدت واني ابجي وخاله لابسه عبايتها وحجابها وكاعده يمي وتصبر بيه وساره هم لابسه صايتها الحد ما دخل عُمر طاير ومبين الخوف والقلق بوجهه

اجه يمي بسرعة لزم ايدي وعيونه الكلها خوف
وقلق بعيوني
عمر:- كومي كومي بسرعة

كومني طلعنه صعدني بالسياره واني ابجي من الوجع وهوَ مبين التوتر بالگوه يسوق الحد قبل لا نوصل للمستشفى اني تشاهدت من الوجع كلت بعد ما اعيش الى ان فعلاً فقدت الوعي واني لازمه ايد سارع ماحسيت غير رخت ايدي وجسمي باد والـظلام يسحبني

_____

حسيت بـ ايد زينه رخت وصوتها اختفى التفتت الها رفعت راسها فاقده

ساره:- عمرر اغمى عليها فقددت

التفت عليه وهوَ يسوقه لزم وجها بضهر ايده ورجع حجه ومن حلاوت روحه سألني اذا تتنفس او لا

عُمر:- شفوفيييها تتنفس

ساره:- اي ايي بسرعة عمر استعجل حباب

امي تدعي وتقره ايات بصوت ناصي وتباوع
على زينه خايفه
راحت روحنه الحد ما وصلنه للمُستشفى
نزل عمر بسرعة شال زينه ودخلها للمُستشفى
اخذوها منه وراحت الدكتوره والممرضات ودخلوها للفحص

اقل الربع ساعة وطلعت كالت فاقده دم وضغطها هابط كلش هواي خلولها دم ومغذي طلعت الدكتوره تحجي ويه عُمر

الدكتورة:- دكتور الطفل ميت ببطنها ومتجزء لازم انزله

عُمر:- تصررفوا شمنظرين

الدكتورة:- تمام روح وقع بين ما ابلش

راح عمر شويه واجه وراحت الدكتورة وبدت بتنزيل الطفل

عُـمر واكف وعيونه حُمر يعض شفته السفليه بتوتر اباوع عليه يضرب ايد بـ ايد ضل يروح ويرجع

امي تسبح وتدعي
وصل آدم للمستشفى اجه علينه يركض

آدم:- شكو شصار

ساره:- دينزلون الطفل ميت

باوع على عُمر بصدمه بس بسرعة تلاشه صدمته من شاف وضع عُمر بقى يحاول يصبره ويطمنه لكن عُمر فاصل بغير عالم والقهر والخوف والتوتر واضح كلش عليه