ظلام عُمر

( 17 )

#ظلام_عُمر
#رقيه_عباس

قراءه ممتعه

"‏لا شيء يشبه شيء ولا أحد يعوّض غياب أحد أشياؤنا المختلفة إن ضاعت،ليس لها بديل."

____

ساره:- شبيج ولج

سرور:- تعاركت

اشواق:- ويامن

سرور:- ويه أمـي

ساره:- يا ليش

سرور:- على موضوع الصبح

حجتها وصعدت فوك بسرعة

اشواق:- ليش شصار شو حتى من اجينه ماكو هيَ وادهم سأل عليها

ساره:- ماكو شي يمعوده بس علت صوتها على ادم

هزت راسها اشواق دخلنه للاستقبال سلمنه جانن ثنين نسوان كبار وياهن بنيه شابه دخلنه باركن الاشواق وبوسنها وكعدن يسألن بيها النسوان الكبار اني وساره طفرنه للمطبخ

بقت اشواق يمهن شويه وراحن ما تأخرن اجت اشواق بسرعة

اشواق:- حقيرات ليش ما صحتني

ساره:- عليمن

اشواق:- لج ماعت اذني منهن

زينه:- لج عيب شلون نصيحج غير كاعدات يسولفن وياج

اشواق:- جان طلعتن عذر تعبت من هلكد ما سألن

ساره:- عليمن يسألن شسالفه شبيهن

اشواق:- يا ليش طولتو الخطوبه ويا ليش مو بالبصره وووو كومه حجي

بقت تسولفلنه ونضحك الحد الساعة بـ8 اجو ادم وادهم واحنه صلينه وكمنه حتى نسوي عشى اني وساره وسرور واشواق فوك بغرفتها كملنه العشى ونزلت اشواق ، سرور ابد ماخلت ادم يشوفها حتى اكلت قبلنه وصعدت كملنه عشى وغسلت المواعين

كعدنه اني وساره نحجي وسألتني على الي صار وياي البارحه وحجيتلهه كلشي ما ضميت عليها شي ابد ساره هواي علمتني اشياء وهواي تنصحني ساره جانت اكثر من اخت اليه جانت حتى من تصبرني وتواسيني متخليني احس انو هيَ مقهوره او هيَ ويه عمر عليه لا بالعكس اصلاً حتى من هيَ بالبصره تخابرني وتسألني بس ما جنت احجيلها كل شي على التليفون

ساره:- تحملي ماكو غير حل والله

زينه:- ماريد

ساره:- سامعه المثل الي يكول الي يريد الحلو يصبر على مره

زينه:- اي

ساره:- اي اصبري كلي يقين بـ أن عمر راح
يحبج مو بس يحبج لا ويعشقج

زينه:- مُستحيل

ساره:- لا مو مُسحيل صدكيني

زينه:- ساره اني هم حالي من حال البنات مثلكم داريد اعيش حياة سعيده حلوه ويه شخص يحبني ويحس بيه