ظلام عُمر

( 47 )

ظـلام عـمـر

‏أَنَرتِ حياتي بنورِ الوصال
‏وجئتِ لعمرِي كغيثِ المَطر
‏إذا جئتِ أنتِ فَـ ما هَـمَّني
‏وربُّك من غابَ مِمَّن حضر

ضحك مستهزء
ادم:- الطلقه بصدري يعني حتى النفس يأذيتي .

گام بهدوء وصل الباب المطبخ بطئة مشيته ووگع فاقد رحتله اركض اباوع صدره ينزفف وخشمه صرخت بفزع خايفه

اجه عمو يركض من غرفته ونزل وعمر وساره سحبه عمر الحضنه يحاول يصحي ما صحى بسرعة اخذوا للمستشفى وخاله جوه بغرفتها تصيح راحتلها سرور وساره گاعده بالگاع يم المكان الوگع بي وتبجي الحد ما اجو احنه على نار

دخلوا بيده كانونه بالگوه فاتح عينه ويمشي صعدو فوگ ونزل عمر
گامتله ساره بسرعة
ساره:- شبي عفيه عمر

عمر:- لازم ميتحرك يضل نايم وهوَ ميگدر ، وصدره متاذي ضغطه مرتفع

راح شاف خاله ورجع صعد بليلتها بقى عمر يم ادم جوه مارجع كلش تأخر نمت من التعب وكلام ادم يدگ براسي...

عمر: واگف يصيح ويضغط على راسه واني واگف بالباب اسد الطريق عليه

ادم:- عمر جاي اگلك انطيني ايشي راااااح امووووت

عمر:- ماكو ماعندي خلص باجر اجيب

ادم:- جذاب عمر انطيني جسميييي راح اموت راسي راسي

عمر:- ما عندي باچراجيبلك كلها معزله

سكت شويه وراح گعد عينه الادويه المطشره
ادم:- تعبااااان

حجيت بقلة حيله
عمر:- شبيدي عليه وعايفك ، اگدر اساعدك بشي وما مسوي گلي

ادم:- اي تـگدر

عمر:- احجي خويه اسوي اي شي يساعدك

ادم:- ابقى يمي اذا ماعندك شي

عمر:- صار ، كل وقتي الك

سديت الباب ورحت گعدت بصفه...

زينه: مَـر اسبـوع عـمر الـتزم بتنظيم الغذاء والعلاج الادم اليوم عدنه عزيمه جماعة عمو وشيوخ والي بالبصره كومه عالم يمنه

گعدت الصبح بثمانيه حضرت ملابس البسها وره ما اكمل شغل غرفتي مگلوبه گلب غراض الدراسه وملابس عمر واوراق وهوسه كلش بدينه بمسحه خفيفه البيت لان بالليل نظفنا كله