ظلام عُمر

( 22 )

#ظلام_عُمر
#رقيه_عباس

قراءه ممتعه

. أنا خائِف..
خائِف مِني ومِنكَ
خائِف مِن البقاءِ واقفًا
طوال حَياتي عِند عَتبة قلبِك
خائِف مِن عينيك
حاجبيك، وجهك وصَوتك
خائِف مِن أن أعانقكَ
ثُمَّ أعتادُ عِناقك كُل يوم
خائِف من رائحتكَ وملمس يَديك
خائِف مِن أن أُحِبَك..
مِن أن أقاسمك كُل شيء
ليسَ لأني لا أستطيع
ولڪُنّي أخافُ مِن أن اعتادها ثُمَ تنتهيَ .

سرور ببتسامه:- لا يول بس اجه ابوها الشيخ حتى يخليها تعتذر منج لان عرف هيَ شمسويه و المشكله محد كل العمر على الي صار و منعرف شراح يصير
اذا عرف ما اعتقد راح يسكت ماعرف بعد

زينه:- زين انتو تدرون راح ترجع اشواق

سرور:- لا والله هسه قبل لا يوصلون بعشر دقايق خابرو بابا

زينه:- زين متعرفين منو و منو اجه لان صوت اكثر من شخص

سرور:- ابوها و ولد عمي غير 

زينه:- اممم بس تره ماكو داعي هيَ تعتذر وتفض السالفه عليمن جايبين العالم من البصره لهنا

سرور:- خايبه احسن حتى شويه تتأدب

زينه:- بس خطيه مبين تعبانه

سرور:- اي والله صدك خطيه صارلها اسبوع من سقطت وفوك هل مشاكل

جان نسولف ودخل عمر خاله جانت كاعده يمنه بالمطبخ دخل كلش متنرفز

عُمر:- انتو شنو سالفتكم؟

ام ادم:- يمه والله خفنه تصير مشكله

عُمر:- مُشكله؟ تدرين لو ما ماراسل ادم وشارحلي الموضوع بالمسجات واني كاعد يمهم هسه جان اني هل كدوتني كدامهم و لو ما فاهم الموضوع هم جان كالو زوجها وكل هذا صاير وهوَ ميعرف رجل كرسي اني هنااا؟؟

ام ادم:- ابني والله خفنه تصير مشكله اكبر ولو ما جايين جان كلنالك والله

عمر:- على اساس هسه مراح تصير يعني خليتوني مثل الاطرش بالزفه كدامهم واني اكول شعجب عمامي جاين و جايبين اشواق اثاري ورايه لاعبه لعب

ام ادم:- يمه بس انطيني مجال احجي

عمر:- يمه شتحجين الله يخليج شتحجين يعني متهجمه على مرتي اكثر من مره ورايده تخنكها و حاجيه بشرفها واسكت لا والله

طلع وعافنه وحده تباوع بوجه الثانيه اني وسرور وخاله تضرب على خدودها على كيف

ام ادم:- يا يمه يا حبيبه يارب سترك يا الله بس لا يصير شي و ولدي يتعاركون يمه راح ينهجم بيتي

وره اقل من عشر دقايق سمعنه اصواتهم علت
وصوت عمر جان واضح بس ما اسمع شنو يحجي غير كم كلمه حجيه  موزون وكله ثقه جان كلامه  يخجل اكبر واحد كدامه