#ظلام_عُمر
#رقيه_عباس
ليّت قلبك عن اللي في قلبي درى .
عُمر:- زينه انتِ ليش وافقتي؟
باوعت عليه مصدومه احاول افهم شبي؟
زينه:- على؟
عُمر:- زواجنه زينه
ضحكت مستهزئه واني اباوع كدامي رجعت نضري عليه جان يباوع عليه
زينه:- عُمر شتريد؟ على اساس انتَ متعرف ليش ومتعرف بالمصُيبه الجنت بيها؟
عُمر:- يواشج يمعوده مو هذا قصدي القصد
زينه:- لعد
عُمر:- زينه كل الاريدج تعرفي اني ماريد اظلمج انتِ تعرفين بجوهره وبكل شي ولو جنت اعرف انت متعرفين من سابع المستحيلات جنت اقبل اتزوجج؟
زينه:- اي ادري بجوهره
عُمر:- مع هذا قبلتي
زينه:- عُمر ماعندي غير حل جان واذا ملاحظ انتَ دتهيني بطريقه غير مُباشره تره
عُمر:- لا مو اهانه بس لازم قبل العقد نحجي وماحجينه بس هسه لازم نحجي بكل شي وبكل التفاصيل
هزيت راسي بنفاذ صبر رغم حجيه يمكن المصلحتنه بس جنت احس بالرفض بعذا الوقت الكلشي
عُمر:- اني تفكيري عقلي گلبي وكل شي بـ جوهره متعلق جوهره بكل مكان وياي ، ما احس ماموجوده بالدنيا ولا متقبل عدم وجودها الهاي اللحظه
اني مو بس احب جوهره اني اعشقها
مُستحيل يجي شخص وياخذ مكانها مُستحيل!
يمكن مو وكته هذا الكلام بس لازم تعرفين كل شي الج الحق تعرفين لان هاي حياتج راح تصير راح تعيشين ويه هذا الشي وافضل من هسه تعرفين
اني مو اناني ولا ظالم راح احاول وشكد ما اكدر اقدملج واسويلج الي تردي وراح يكون الج احترامج ومكانتج اتمنى ما اقصر وياج اتمنى
عُمر:- ما اريد بيوم تكليلي انت ظلمتني وياك او اترك الماضي او شي يخص جوهره فَـ من هسه زينه
عمر:- انتِ موافقه عليه حتى نعقد؟
وقتها حتى الكلمة ماكدر اطلعها الكلام كله تبخر مني حسيت راح اظلم نفسي وراح اظلمه بس ماكو غير هذا الحل كدامي
زينه:-اي
عمر:- تمام
نزلنه دخلنه للمحكمه عقدنه وكملنه ماطولنه هواي اقل الساعة وطلعنه
صعدنه بالسياره وكال
عمر:- صح احنه حالياً متزوجين وباجر العرس بس سوالف النسوان والغيره وهاي ومال وين جنت وين رحت ما احبها بس
تنهد وهوَ يشغل السياره وكمل
عمر:- اني اتأخر يلا ارجع واكثر اوقاتي مو بالبيت ومشغول
أنت تقرأ
ظلام عُمر
General Fictionأنا العاشق السيء الحظ ، لم أستطع الذهاب اليكِ ، لم أستطع الرجوع الي . اقدم لكم (( ظلام عُمر)) انا رقيه عباس #ظلام_عمر
