#ظلام_عُمر
#رقيه_عباس
قراءه ممتعه
وَلَقد عَفوتُ عَن المُسيءِ لأَنني
بالرغمِ من عُمقِ الأَسى لا أَحقِدُ
لكِنّ أَيامِ الودادِ قَدْ أنتَهت فينا
سرور:- اوف! اعتراف خطير تره
ابتسمت وما رديت عليها حاولت ابعد نضراتي
سرور:- شبيج زينو
زينه:- مابيه شي
سرور:- ليش من حجينا بالموضوع مودج تغير وعيونج غورگت؟
زينه:- تعبانه والله!
سرور:- شنو المتعبج؟ عمر؟
زينه:- من عمر ومن كل شي تدرين شنو؟
سرور:- شنو؟
زينه:- يمكن حرام هل حجي بس صرت اتمنى ميته ويه اهلي! جان خلص ما بقى واحد من عدنا ومن عائلتي يتعذب وحيد
ام ادم:- ليش يمه؟ مقصرين وياج بـ شي
مسحت دموعي وباوعت بـاتجاهه
زينه:- لا خاله بس الفراگ الطويل يتعب والاشتياق الشخص جوه التراب اتعب فكرة مراح تشوفين هذا الشخص تأذي وهيَ فقط فكره اني داعيشها!
اجت يمي گعدت وسحبتني الحصنها
ام ادم:- كلنا نعيش هذا الشعور ، اذا مو هسه عاشوا راح يعيشوا كلنا تأذينا من راحوا اهلنه هاي السكنة المستشفى اشهر وهاي الباتت بالمقابر بس بالاخير تمشي الحياة! ونعيش
كلمن يرجع البيته الشغله الدراسته الحياته وهيج تمشييي الى ان تفجعنا لواحد ثاني ونفس الشي راح يصير نتأذه ونبجي ونلطم ونتمرض بــس "نـعيش"
زينه:- بس لو واحد باقي منهم مو كلهم والله جاي اتعذب بدونهم
ام ادم:- سوده عليه كون النار والعذاب البيج بيه شسوي وشبيدي وابرد گلوبكم
زينه:- لا اسم الله خاله
ام ادم:- يمه فدوه اروحلج حاولي لاتكليلي خاله كولي ماما يمه انه امج وافرح من اسمعها منج والله
هزيت راسي ودموعي ينزلن باوعت على سرور حتى هيَ تبچي ويانه ، خاله بقت تسولف ويانه وتحاول تطلعنا من الجو الاحنا بي وهيَ اصلاً مقهوره اكثر منه...
ثاني يوم رجع عمر حتى عمو يروح للبصره لان ميقبل البيت يبقى فارغ لازم واحد منهم يبقى يمنا
عمو طلع للبصره اول ما عمر دخل البغداد بعده بالطريق وراح
جانت الساعة بـ6 العصر صعدت الغرفتي نظفتها وسبحت ورتبت شعري وكعدت اباوع على الصور اخذناها اني وسرور قبل بفتره بالتليفون شويه شويه وبديت ارجع الصور قديمات
أنت تقرأ
ظلام عُمر
Ficción Generalأنا العاشق السيء الحظ ، لم أستطع الذهاب اليكِ ، لم أستطع الرجوع الي . اقدم لكم (( ظلام عُمر)) انا رقيه عباس #ظلام_عمر
