ظـلام عـمـر
يداده هوَ شويه حَبيب وهوايه سَند .
صاحوا اسامينه رحنه نستلم انطونه مال اساور اول وگال حامل، بعمري ما انسى فرحتها عيونها الدمعن بس عرفت ضحكت الفرحتها ولزمت ايدها
اخذت تحليلي حامل!
خليت ايدي على حلگي وعيوني غوشت بالدموع دموع الفرح جانت من ناحيه ودموع صدمه ، شكد حلوه دموع الفرح ياربي
عكس اول حمل اليه ، حمدت الله وشكرته العوضنه دخلت اخذ سونار ، الدكتوره تضحك وتباوعلي
زينه:- شنو دكتوره
الدكتوره:- مبروك امي حامل توائم
زينه:- توأم!
الدكتوره:- اي حبيبتي ووضعج كلش زين بس ديري بالج حملج ثگيل
تحچي واني بالي مو يمهه مادري شسوي من فرحتي طلعنه الكرار ما گلتله اساور ميدري جايات نحلل حمل گالتله زينه مريضه..
وصلنه للبيت واني مگابله التحليل وگاعده ودموعي تنزل لازمه ببطني معقوله هسه ببطني اطفالنه اني عُمر؟ ممصدگـه ماعرف شلون اگله اني حامل
اجاني شعور خوف من ردت فعله معقوله ميتقبل الموضوع؟ لو ينصدم او مثل اول حمل الي جان رايده الطفل؟
اگله بس بيا طريقه؟ مبالي شي گمت صحت سرور گلتلها وياريت ما گلتلها گامت تكمز بالگوه گعدتها حضنتني بقوه تبوسني.
سرور:- لج مبروك اوييي حيصير عدنا كتاكيت صغاررر
زينه:- يمه سرور مجاي اصدك
سرور:- هسه من تكبر بطنج تصدكين
زينه:- برأيج عمر راح يفرح؟
سرور:- اكيييد ليش حتى ميفرح
زينه:- خايفه ميتقبل موضوع الاطفال حالياً
سرور:- بالعكس احس وقتها ويجوز ربج راد يعوضكم وبهل وقت
زينه:- الحمدلله ، اريد طريقه اكله اني حامل
سرور:- اممم باعي جيبي ملهيات ثنين وخليهن گـدامه هوَ يحزر
زينه:- حلو حبيت الفكرة واخلي السونار يم اوراقه؟
سرور:- ايي ، عزززه ممصدكه راح اصير عمه خرب ، خل اكللهم عليج الله
زينه:- انچبيي مو هسه
سرور:- اريد ارگص لچ صارت عندي طاقه عجيبه
زينه:- وفريها حتى اشمر جهالي عليج
سرور:- اهو من هسه بلشنه
زينه:- غير عمتهم اوي
سرور:- ديلا ميخالف جيبي والله كريم...
___
اليوم عمر يجي للبصره واحس خايفه ومتوتره مدري شبيه اشتريت حذاء مال اطفال وملهيات لون احمر لان ماعرف جنس البيببات
أنت تقرأ
ظلام عُمر
General Fictionأنا العاشق السيء الحظ ، لم أستطع الذهاب اليكِ ، لم أستطع الرجوع الي . اقدم لكم (( ظلام عُمر)) انا رقيه عباس #ظلام_عمر
