ظلام عُمر

( 2 )

#ظلام_عُمر
#رقيه_عباس

فإن ان العائله هي ثروة الإنسان الاكبر

ـــــــــــــــــــــــ

كعدت الصبح متأخره نزلت ماما جانت بالمطبخ تسوي الغده وبابا كاعد يباوع على الاخبار مال الموصل وداعش

زينه:- صباح الخير

ابو انور:- صباح النور هلا بزينه اليوم متأخره

زينه:- اي والله بابا البارحه نمت متأخره

ابو انور:- بابا مو زين السهر بعد لاتسهرين مو زين على صحتج وعيونج تتعب وعندج دراسة

زينه:- صار

عفته يباوع على الاخبار ويسبح بالسبحه رحت لكيت ماما تنظف الخضره

زينه:- صباح الخير

ام انور:- يا صباح النور تتريكين لو تنتظرين الغده

زينه:- لا راح اشرب جاي

ام انور:- اي هوَ الغده ميتأخر

زينه:- تمام

وكفت يمها اسوي جاي واسولف وياها..

زينه:- ماما انور وين

ام انور:- نايم بعده ليش

زينه:- عبالي طالع

ام انور:- ليش شتردين من عنده

زينه:- كل شي ما اريد هيج مجرد سؤال

كامت ماما غسلت الخضره واني عزلت المطبخ وغسلت المواعين الزايده ، وصعدت حجيت ويه صديقتي طبعا هاي الصديقه الوحيده عندي ما احب يصير عندي هواي صديقات وقبل سنة راحو للسويد هناك استقروا واتذكر شكد بجينه على بعض جان بيتهم مقابيل بيتنه ودائماً تجي يمي ، ماما صبت غده بعد ما صلوا وخلصنه وانور بعده ما طلع من غرفته بابا كلي حتى اكعده لان تأخر كمت دكيت الباب وفتت جان نايم

زينه:- انور انور كوم صبينه غده وماما وبابا يردونك

انور:- اي اي كايم شغلي الضوه

شغلت الضوه وشفت وجهه جان بي زراك وشفته السفليه بيهه ورم اكثر من الليل بس قليل راح للحمام غسل ورجع

انور:- اهو هاي شصاير بوجهي من حتركت احمد على هاي الدكه زينه روحي انزلي خل اعقم الجرح الي بفكي واللف ايدي زين وانزل

هزيت راسي بعمى "اي"

طلعت بس جان شكل انور يخوف وجان بل كوه يمشي من وره رجله وكتها شكد غلطت على احمد وهذاك الثاني نزلت وكلتلهم

زينه:- هسه يجي

ام انور:- خوش يلا تعالي اكلي

كعدنه ناكل ونزل انور ماما شافته وعاطت بخوف على انور وبابا ضل يباوع بصدمه لان جان وجهه كلش هواي متأذي