#ظلام_عُمر
#رقيه_عباس
قراءه ممتعه
سمعت صوت العظم وهوَ يطگ عطت بصوت من الالم ، اجت خاله تركض سبقها ادم
خاله:- يمه بتيي
گـعد يمي آدم
آدم:- انطيني ايدج
زينه:- ما گـدر احركها ادم ايديي
ام ادم:- يمه ادم يمكن نكسرت
ادم:- اي اي يمكن
سحبها على كيف متوتر بس لزمها صرخت متأذيه
آدم:- مكسوره امشوا خل اخذكم للمستشفى يشوفونها
نزلت سرور تركض ملابسها مبلله بالحمام جانت
سرور:- عزه هاي شبيج زينه
ام ادم:- وگعت من الدرج وايدها مكسوره كومي جيبي صايه بسرعة
سرور:- اي رايحه
كمت گعدت على الدرج و سرور صعدت تركض وادم واكف وخاله راحت تلبس كلش تأذيت
نزلت سرور بيدها الصايه والشال لبست بالگوه ايدي ما اكدر ادخلها بالصايه ادم طلع بره واجت خاله حارت شلون تلبسني وما اتأذه
لبست بعد تكمز كومه و الشال شمرته على راسي شلون ما جان طلعنه جان تطبگ السياره مال عُمر گدامنه
ام ادم:- يا هذا عُمر منو گله
آدم:- اني ، خاف يضوج اذا منگله
ام ادم:- اي يمه زين تسوي
اجه عمر ورحنه للمستشفى بالسياره لازمه ايدي وميله راسي على الجامه
عُمر:- شوگعج هسه ومابقى شي للدوام
جنت متأذيه وهوَ حجه هيج بسرعه رديت عليه
زينه:- اي قابل اني وكعت روحي مثلا!
رفع عيونه وباوع عليه وهز راسه هزه
بسيطه ورجع يسوق
ام ادم:- جان اكو مي بالگاع وزلگة
وصلنه للمستشفى وفعلا طلعت مكسوره وجبسوها اليه والوجع جان اقوى احس اريد اعض ايدي بس استحي ضليت اعض بشفتي ساعة بـ ايدي
عُمر واكف يمي وخاله بره طلعت
كملوا بعد معاناة حسيت لو ذابه ايدي احسن باوعت على عمر احسه يريد يضحك وگـوه لازم نفسه رفعتله حواجبي بمعنى ( شكو ) هز راسه انو ماكو شي
رجعنه للبيت وسرور من طبينه من الباب لحد ما گعدنه هيَ تفتر ورايه
زينه:- شبيج يمعوده
جاوبتني متوتره
سرور:- ها لا ماكو شي ماكو
باوعتلها بشك وكلتلها
زينه:- تمام
خاله صاحت سرور راحتلها واجاني عمر
يتمشى بشكل مستفز مدري شبي وايده بيها گلاص مي والثاني حبوب
عُمر:- هاج اشربي هذا مُسكن
اخذته منه شربت وگعد بصفي
باوعتله صفح وكتله
زينه:- عود انتَ شبيك
أنت تقرأ
ظلام عُمر
Ficción Generalأنا العاشق السيء الحظ ، لم أستطع الذهاب اليكِ ، لم أستطع الرجوع الي . اقدم لكم (( ظلام عُمر)) انا رقيه عباس #ظلام_عمر
