#ظلام_عُمر
#رقيه_عباس
"لا همني المكان والزمان ان كان اللقاء انت "
سرور:- عمر كال راح يعقد عليج باجر سيد و محكمه بعدين وتخلصين من كاظم ابو الوصخ
حسيت بهت وجهي باوعت عليها ليش مثلا حتى انصدم شنو جنت متوقعه وشجنت رايده؟
حتى ما انطيت رد فعل ورحت للحمام نزلو دموعي ما حسيت بفرح بس حسيت راح اخلص من بيت عمي
بس راح اصير مرت رجال مابكلبه غير مرته الميته شلون مادري المهم اخلص وبعدين الله كريم غسلت وجهي وطلت سرور مموجوده بالغرفه رحت اباوع تلفزيون بس بالي كله مو يم المسلسل ، ضليت اضرب صفنات و اجيبها منا واخليها منا اخر شي كلت هسه نعقد واخلص من كاظم والله كريم الف حلال يحلها كمت سديت الباب وتمددت مادري شوكت نمت ماحسيت على سرور من اجت نامت كعدت الصبح رحت غسلت وغيرت ملابسي وحطيت الشال على راسي ونزلنه اني وسرور
خاله كامت تهلهل و سرور تكلها يمه مو هسه عود من يعقدون تروح المتعه مال الهلاهل هسه ، رحنه تريكنه ماجنت اشتهي ابد اكتفيت بجاي وحليب جان محد بالبيت بس احنه اني وسرور وخاله كالعاده كمنه نظفنه وجان خاله تكول
ام ادم:- السيد يجي الساعه بـ 5 حضري نفسج بنيتي
جاوبتها بجمود وبدون حتى ما التفت
زينه:- ان شاء الله خاله
الظهر همه تغدوا اني ما اكلت وسرور غسلت المواعين وصعدنه رحت سبحت من طلعت شو هاي جلبت بيه تريد تشسورلي وتخليلي مكياج وهاي السوالف
زينه:- هاي شبيج سرور هيه مال مكياج وترتيب
سرور:- يا فدوه اني لو منج غير احرك الدنيا بالترتيب
زينه:- سرور عمري انتِ تره اني مو عروس او حالي حال الي راح يعقدون عليها ولازم يفرحن ويترتبن
سرور:- حتى لو لازم ترتبين نفسج انت راح تتغير حياتج وينضاف شخص بحياتج يازينه
زينه:- ديلا على اساس شلون شخص
سرور:- يااا شنو معاجبج عمر يمه؟ والله ترتاحين شبيج
سرور:- راح ارتاح هه وهاي الحياة الي تكولين عليها راح تتغير راح تتزفت فوك ماهيه مزفته ومصخمه و هذا الشخص الي تحجين عنه راح ينضاف الحياتي ميريدني مجرد انقهر عليه وراح يعقد عليه وبس
سرور:- تره والله اخواني حبابين وشمدريج يمكن عمر راح يميل الج او يمكن تبقى حياتج مستمره ويا بس الله الي يعلم تره زينه وبعدين بيت خالتي راح يجون للعقد وبيت خالي هم والجوارين وبعد فـ لازم تطلعين تخبلين تموتين ديلا كومي عاد بداعت ماما وماما راحت من الصبح هيه وبابا جابولج فستان
بقت تلحت عليه لحد ما اني شسورت شعري وسويته ويفي وبقيته نازل وخليت مكياج خفيف وجان لون الحمره برونزي خفيت الهالات والمكياج جان حلو وسرور طلعتلي فستان خاله جايبته الصبح لون اسود مخصر والصدر ماله مفتوح يعني الردان مالته طويله بس مفتوح لحد الجتف يعني تبين عضمات الرگبه وجان جدا حلو وطويل ولبست حذاء عالي شويه لون اسود وبي كرستال كل هل وقت واني احس بخنكه احس اريد كلشي ينتهي بسرعه
أنت تقرأ
ظلام عُمر
Beletrieأنا العاشق السيء الحظ ، لم أستطع الذهاب اليكِ ، لم أستطع الرجوع الي . اقدم لكم (( ظلام عُمر)) انا رقيه عباس #ظلام_عمر
