#ظلام_عُمر
#رقيه_عباس
قراءه ممتعه
لايروحي گولي چذبة
گولي باچر نفتح عيون الحلم ونرد علينا
گولي باچر الله يتراضى ويجينا
كلشي گولي ولا تگولين انتهينا
اوس النواب
(عُمر)
جاي تحجي وسمعنى صوت أدهـم
اباوع عليها وجهه صار ينطي الوان
بسرعه طلعت من الغرفة اني كمت وراها سمعت صوت ادهم جوه بالصاله الي يم غرفته
ادهم:- شتسوين فوك وليش صوتج عالي؟
اشواق بمياعه:- حبيبي مو انتَ طلبت اروح حتى اعتذر
ادهم:- اي؟
اشواق:- اي عُمري
ادهم بشك:- ليش صوتج جان عالي؟
اشواق:-شبيك حبيبي جنت دا اتشاقه ويه زينه اغيرلها جو جنت اضحك وعليت صوتي لان محد بالبيت لا عمر ولا عمو ولا ادم
جاوبها ادهم بـ اصرار وعبالك شاك
ادهم:- اشواق حبيبتي متأكده تره اذا متعاركه وياها تشوفين مني شي ميعجبج ولا يعجبني!
اشواق:- لا حبيبي شسالفه اعتذرت وهيَ قبلت بس مو من كل گلبها
-اختفى صوتهم بس مبين نزلوا جوه واني صافنه شلون فرت السالفه كلها رحت للغرفة دخلت وقفلت الباب لان هاي مالها امان كل شي تسوي ما استغرب والله ، غسلت وجهي اباوع شمسويه بخدودي كلها دم غسلت واني اكمز من هل كد ميحرگني رحت شربت مي واني دموعي ينزلن مشطت شعري الله ياخذها كلش اذتني رحت تمددت على الجربايه ماحسيت شوكت نمت بس بسرعة يعني اقل من نص ساعه ونمت وووين حتى كعدت الساعه 5 الصبح راسي ما اكدر اشيله من المخده ضليت لحد الساعه 6 ونص متمدده مالي حيل اكوم ولا طاقه
كمت غسلت وغيرت ملابسي ونزلت جنت كلش جوعانه نزلت هدووء ماكو احد كاعد رحت للمطبخ سويتلي ريوك كعدت اكل واني اكل سمعت آدم يحمم وهوَ ينزل عدلت كعدتي بسرعة و دخل للمطبخ
آدم:- صباح الخير
جاوبته بصوت مبحوح من البجي "صباح النور"
ادم ببتسامه:- شعجب كاعده من الصبح
بادلته البتسامه ورديت عليه
زينه:- كعدت وما كدرت انام بعد ونزلت
ادم:- اشواق البارحه كلتلها تصيحج حتى تتعشين كالت ماردتي تتعشين وضل بالنه يمج خو مابيج شي؟ وجهج اصفر وعيونج حمر اكو شي
زينه:- لا مابيه شي بس جنت ما اشتهي
ادم:- تمام
زينه:- تتريك؟
ادم:- لا ماريد شكرا هسه اسويلي گهوه اشرب واطلع عندي شغل
زينه:- تريد اسويلك؟
أنت تقرأ
ظلام عُمر
Ficción Generalأنا العاشق السيء الحظ ، لم أستطع الذهاب اليكِ ، لم أستطع الرجوع الي . اقدم لكم (( ظلام عُمر)) انا رقيه عباس #ظلام_عمر
