ظـلام عـمـر
ما عادَ يَحملني الحنينُ فإنني
أمسيتُ مِن بَعدِ الفُراقِ عليلا .
زينه:- ماعندي اهل بس انتَ!
راد يگوم رفعت ايدي استوقفه
زينه:- روح الله وياك دائماً هيج عادي شنو الجديد هه
حچيته بخيبة امل جبيره
زينه:- روح خليني اعيش الفرحه وحدي..
اخذت شالي وطلعت ودموعي متحجره بعيوني فعلاً "اليتم" صعب اريد اصرخ اريد ابچي بصوت اريد اهلي منو يرجعهم اليه راحو واني ما شبعانه منهم چذب محد يشبع من اهله والله تيتمت بعمر صغير بعدني احتاجهم وطول العمر راح اضل احتاجهم
طلعت للحديقه واني احاول الزم دموعي حتى محد يشوفني گعدت على القنفه الموجوده بالحديقه مال گعدة وخليت ايدي على وجهي
وبديت ابچي اشتياق الاهلي وحزن على روحي وعلى مكاني احس اني بمكان خطأ مو مكاني هذا!
فزيت على صوت گحه رفعت راسي شفته يوسف راسم ابتسامه لطيفه على وجهه
يوسف:- يصير اگعد
مسحت عيوني وهزيت راسي بمعنى اي گعد بعد مسافه عني و
حچه متردد
يوسف:- شبيج
زينه:- مابيه
يوسف:- خويه ليش تبچين احد مأذيج؟ صاير شي
زينه:- لا محد مسويلي شي بس
يوسف:- بس شنو
زينه:- مـ مشتاقه الاهلي
تنهد وسحب جگاره وحچه
يوسف:- اني هم
زينه:- انتَ هم شنو
يوسف:- هم مشتاق الاهلي هواييي هواي توفوا واني بعمر صغير ما اتذكر منهم هواي غير شغلات قليله ومقتطفات بكل لحضه وكل حدث يصير بحياتي اتذكرهم صح جنت صغير من ماتوا بس اشتاقلهم واحبهم وكأنهم موجودين ماعرف اوصفلج شعوري بس هوَ هيج
ربيت وكبرت على ايد امجد ما حسسني بفقدان ابويه جان بالنسبه النه اب واخ وصديق بس لابد الانسان فعلا يحتاج ام حقيقيه اب حقيقي امجد تعب علينه وماقصر علينه بشي
بس اشوف الضياع بعيونه والتعب ممكن اكثر واحد بينه انه وكرم محتاج اب وام بس ميبين النه هوَ تعبان من عدنه وخاصه كرم
زينه:- بس دائما اشوفكم تتعاركون گدامه وتقهرونه وتضوجو
يوسف:- احنه هيج من زمان كرم امجد دلل بي هواي ومجان يرفضله شي الهذا اليوم وحتى اني بس كرم اكثر لان امجد يحسه بعده صغير ولازم نكون ويا
زينه:- هواي يتعارك وياك
ضحك مستهزء
يوسف:- يحس بغيره مني ماعرف على شنو وجان وما زال يتعارك وياي على امجد يريد امجد بس اله يحسه ابو مو اخو وكون ميرفضله طلب وجنت من اگول الامجد يگلي ميخالف تحمله بعده صغير وانتَ الجبير
أنت تقرأ
ظلام عُمر
General Fictionأنا العاشق السيء الحظ ، لم أستطع الذهاب اليكِ ، لم أستطع الرجوع الي . اقدم لكم (( ظلام عُمر)) انا رقيه عباس #ظلام_عمر
