#ظلام_عُمر
#رقيه_عباس
قراءه مُمتعه
عمر:- فاقد الشرف يرى كل شريف مستشرف اشواق
ضلت تصيح وتغلط وتتعارك ويه عمر وادم ماعرف شلون اجت عيني على ايدها جانت محروگه ماركزت بكلامها بكد ما ركزت بحالتها بعدها تحجي
منحس الى ادهم عتها من ايدها بقوه للاستقبال اسمع خاله تبجي ودك على رجلها راح عُمر وادم ورا
اقل الخمس دقايق وطلعوا ورجع عمو ومبين القهر على وجهه حجه بحركه
ابو ادم:- ادري ولدي مايرتاحون طول عمرهم معلعلين
ام ادم بدموع:- سوده عليه جابو عمرهم مشلوعه گلوبهم
ابو ادم:- كومي يابه نامي مو زين على صحتج تضلين كاعده واشواق بعد صارت بين ادين اهلها وكلهم حادين سنونهم عليها
ام ادم:- الله لا يراويها يوم حلو بحياتها
ابو ادم:- كومي بويه كومي
ام ادم:- يمه وشلون نعوفه وحده؟ والعين منين تجيها النومه؟
ابو ادم:- اخوته يمه لا توكعين كومي
مدلها ايدها كومها عمو راحو الغرفتهم وسرور بقت يمي كاعده
سرور:- تدرين من صعدت اصيحها الهاي الكلبه شسويت
زينه:- شنو؟
سرور:- جريتها حيل وهيَ مابيها حيل تدافع على نفسها يعني بس تلاث كفخات مالحكت اكفخ اكثر
زينه:- ايييي بعد ايدي ايدج
سرور:- شايله هم الادهم كلش شلون يتعايش ويه الموضوع
زينه:- بالعكس احمدي الله خلص منها والله يعوضه بتاج راسها والاحسن منها
سرور:- اميييين
زينه:- الظهر اخابر ساره نشوف شصار من وصلوا
سرور:- اي عفيه صدگ
شويه ودخل آدم صعد فوگ بسرعه
و عمر وادهم بعدهم بره
سرور:- باعي اني راح اصعد لان هسه اذا اروح يمهم يطردوني وانت هم كومي
زينه:- تمام
شويه ودخل عُمر اجه وگف يمي
عُمر:- ليش بعدج هنا اصعدي نامي
زينه:- وانتَ؟
عمر:- اني باقي يم ادهم ما اكدر اعوفه وهوَ هيج حاله
زينه:- تمام ، تريد شي
عُمر:- لا ابويه سلامتج
صعدت واني جاي امشي بالصاله الفوگ اريد اصعد الغرفتي باوعت على الغرفه مال ادهم جانت مخربطه والتليفون متفلش بالگاع والحزام هم بالگاع و جداحه مكسوره وگطوف الجگاير تارسه الغرفة وباكيت الجكاير ويمه مطشره الجگاير وملابس اشواق هم بالگاع
أنت تقرأ
ظلام عُمر
General Fictionأنا العاشق السيء الحظ ، لم أستطع الذهاب اليكِ ، لم أستطع الرجوع الي . اقدم لكم (( ظلام عُمر)) انا رقيه عباس #ظلام_عمر
