#ظلام_عُمر
#رقيه_عباس
قراءه ممتعه
في الحَقيقه دونَكِ أنا مُتعَب
تائِه بائسحَزين
ثمّه أشياء أخرى..
أخشى ذَكُرها أنا احتاجك فَقط .
هيَ تحجي وتخنگ بيه احاول اوخر بـ أيدها
بهل اثناء ما احس غير اشواق طايره من يمي
اباوع شفت آدم يخزر بيها يحجي بعصبيه مكتومه لكن بقوى لدرجه من يمي خفت النضرات لو تكتل جان اشواق ميته
ادم بعصبيه:- اشواق وحَـق الخلقج اذا ما وخرتي ونزلتي اشمرج منا وانسى انتِ بت عمي ومرت اخوي ، وهذا الحجي اذااا انعاااااااد اشك حلكج ومحمد الي سمعته هسه وشفته ما راح احجي واروح اكل الادهم لان خايف على اخووووي مو عليج لان مو بعيده يكتلج امشيييي ولي من وجهي بـت الـ*** صايره شريفه عبالها ناسي سوالفها الغمه يلااا وخليها بـ بالج "ميحجي بالشي غير الفاقده"
اشواق كامت تمشي وتتعثر كل شويه احسها تريد توكع اخذت الجنطه من الغرفة مالتها مال ملابس ونزلت ، التفتلي آدم وعينه على الدرج
ادم:-بيج شي تتأذين؟
زينه بصوت مبحوح:- لا
ادم:- دروحي حضري روحج خل اخذج انت وامي للدكتور
زينه:- مابيه شي والله
ادم:- جا اذا مابيج شي ليش وجهج اصفر وبس واحد يطخج توكعين
زينه:-لا مابيه شي بس تعبانه
ادم:- الي سمعتي من اشواق انسي شتحجي طنشي معليج اعتبريها واحد بلا عقل وحده يحجي لا تفكرين بي
زينه:- تمام
هز راسه وراح الغرفته
اني هم صعدت رحت سبحت لان صدك حسيت نفسي متكسره سبحت وطلعت جسمي يـرجف واحس رجلي متعيني حتى مامشطت بسرعة نمت
كعدت على دكت الباب مال الغرفة
زينه:- ها سرو تعالي
سرور:- زينو حبي تعالي اكلي ابويه خبصني كل شويه يدزني اشوفج واكله نايمه يكول خل تنزل حتى تاكل لان ممتغديه
ابتسمت وكلتلها هسه اجي كمت مشطت شعري وخليت الشال على راسي ونزلت لكيت خاله وعمو كاعدين بالصاله يشوفون مسلسل وعمو يشرب جاي وخاله عصير رحت للمطبخ لكيت سرور صابتلي اكل كعدنه ناكل اني وياها
زينه:- ادهم وين اخذ اشواق
سرور:- مادري اخذها وطلع مكال وين يجوز الاهلها
زينه:- شنو يعني مترجع لو شنو
سرور:- واللهِ ما اعرف امي كالت ما تعرف وآدم طالع ما اكدر اسأله
كملنه اكل وبدينه نظف البيت لان اليوم ممنظفين كملنه وكعدنه بالحديقه
سرور:- تدرين لو عمر هنا جان ما سكتلها متشوفينها من طلعنه طلع لسانها
أنت تقرأ
ظلام عُمر
General Fictionأنا العاشق السيء الحظ ، لم أستطع الذهاب اليكِ ، لم أستطع الرجوع الي . اقدم لكم (( ظلام عُمر)) انا رقيه عباس #ظلام_عمر
