ظلام عُمر

( 35 )

#ظلام_عُمر
#رقيه_عباس

قراءه ممتعه

رجلُ مُتعب من جميع السجائر
رجلُ تعتذر له السجائر
لم يعد فيه مكان ليحترق

جان يحجي ويطلع ملابس من الكنتور
دائماً كلامه بخصوص الدراسه يرفع معنوياني ويسويلي واهس

هزيت راسي وگـمت على المرايه الم شعري حتى البس شال وانزل اصيح سرور هوَ راح للميز يخلي غراضه

واگفه الم شعري كملت فتحت الكنتور اطلع شال وما اسمع غير طبه ورايه قويه درت وجهي واشوف

عُمر واگـع لا يحرك لا ايد ولا رجل

ووجهه صار ازرگ شايفين الطفل من يبجي حيل ويسكر بالبچي شلون وجهه يصير هيج صار وجه عُمر لا حركه ولا صوت

ركضت عليه والخوف متملكني احرك بي اريده يگعد يتحرك ماكو
لازمه وجهه بثنين ايدي اضرب على وجهه بضربات خفي..

كمت اصيح على الولد وخرت راسه من بين ايدي ونزلت على الدرج اهرول بسرعة شافني ادم وسرور ادم ركض عليه عباله اني بيه شي

ادم بخوف:- شكو شكو شبيج زينه

ابجي واشهگ وموجهه ايدي على الدرج يعني فوك على عُمر الكلمات بالگوه تطلع خفت خفت صار بي شي خفت اخسره

زينه:- ادم عُمر عُمر ماعرف شبي وگع ميتحرك ميتحرك

بسرعه ركض وگل السرور تصيح ادهم بسرعه راحت هيَ واني صعدت وره ادم

اجه ادهم وتصرگعوا ميعرفون شيسون من الخوف نزلوا عُمر ميتحرك ابد وجهه من لزمته بارد وايده هم

اخذوا ونزلوا ضليت گاعده على الدرج احس ما اكدر انزل رجلي ثبتت بالگاع جمدت

اسمع خاله جوه تحجي بخوف ومخترعه وتصيح راح ابني وتبجي شويه وصار بيه حيل صعدت فوگ بالغرفه سديت الباب وكمت ابجي حيل وبكل صوتي على عُمر ما جاي يروح شكله من بالي كمت ما عرف بس "اريد عُمر" كل شي ما اريد غيره عُمر اكثر واحد يفهمني واكثر شخص يهون عليه

گمت غسلت ودموعي بعدهن ينزلن نزلت لكيت خاله گاعده بالصاله وتمسح بدموعها وتسبح بسرعه رحت يمه فتحتلي ايدها وحضنتني

خفت عليه خوف مو طبيعي بقيت بحضن خاله الحد ما اجه عمو خاله كلتله وراح وراهم خابر ادهم سأله بيا مستشفى همه وراح

بقيت ادعي يرجع و مابي شي سرور گاعده يم خاله تصبر بيها وتخفف عنها وهيَ سرور نفسها تريد الي يهون...

بعد انتظار كومه والولد ميردون وادم ناسي تليفونه مماخذه وادهم ميرد وعمو هم حسيت هذا اخر يوم بحياتي مو مبالغه بس الخوف الي صار فضييع وشكله ميروح من راسي ابد شلون وگع بقوى وميتحرك

الحد الساعة بـ11:30 سمعنه صوت السيارات مالتهم گامت سرور ركض تفتح الباب اني كمت وكفت حتى اروح افتح الباب سرور سبقتني