ظلام عُمر

( 24 )

#ظلام_عُمر
#رقيه_عباس

قراءه ممتعه🦋

يمدري شعايف بروحي
يمدري شبيه من دونك
شڪثر تارك أثر بالعين
اشوف الناس بس لونك

ابو ادم:- كووموا ولكم ادهم مكلوبه بي السيارره
على الخط السريع

خاله بس سمعت لطمت على صدرها بقوى

ام ادم:- يمهههه ابني شبييي اخذوني الابنييي ولج يمممه

كاموا الولد بسرعه اخذوا تليفوناتهم وطلعو بسرعة
وخاله واشواق فرفحن
واني وسرور نبجي ونحاول نهدي خاله حتى ميصعد ضغطها
اشواق تبجي گلبت الدنيا
كلنه بالبيت نعرف اشواق شكد تحب ادهم
صح بالفتره الاخيره لاحظنه تغيرها بس من سمعت ملخت نفسها ، انطينه الخاله حبايه مال ضغط بالگوه قبلت تاخذها اشواق كاعده صافنه ترجف وعيونها تصب دموع

اربع ساعات
وولا واحد بين منهم كل عشر دقايق نتصل بيهم بس محد يرد خاله مرتين تخربطت ونرجع نصحيها فرفحت تريد بس خبر منهم يطمن

اشواق صعدت الغرفتها نص ساعة ورجعت وجهه احمر دم وشفايفها ترجف وكفت يمي منتجيه على التخم وجهه صار اصفر شفايفها صارت بيض ختل توازنها وكعت عليه

بسرعة كامت سرور سندناها وجبنالها مي اخذته
وكعدت بدون متنطق حرف واحد حتى ، اجت اخت خاله وبناتها

للـ ليل اجو من البصره و ساره اجت مفرفحه روحها وتبچي  اجو كلهم وبيبيتهم الحجيه تبجي وگلبت البيت على ادهم اكثر من خاله ما جنت متوقعه هلكد تحبه لان بالعرس ما حسيتها تحبه مثل متحب ادم و عمر

البيت انگلب گلب كله على ادهم والحد هسه منعرف خبر عنه
الحد الساعه بـ 9 رجع عمو ويا ابن اخو بقى واكف بره
كلنه كمنه نسأل عمو على ادهم ميتين خوف عليه

الحجيه:- ولكممم بشرررو احجووا شبي وليدي ولا واحد بيكم خابر

ام ادم:- ابو ادم فدوه اروحلك احجيي شي يطمن

ابو ادم:- بالمُستشفى بعده

الحجيه:- من سوده بوجهييي حالته شلونها بروح ابوك احجي الصدك

ابو ادم:- حالته خطره السياره مگلوبه بي

بس كال هيج صوت البچي عله وعياط خاله
والحجيه 

كعد عمو على الكرسي مهدود حيله خله ايده على وجهه و كام يبجي احنه من كام يبجي كلنه بجينه ويا الحادث جان قوي
تقرب واحد من ولد الشيخ كومه وطلعوا رجعوا للمستشفى بعد ما وصيناهم يخابرونه

اشواق كل ما اصد عليها الكاها صافنه
خاله والحجيه ما بطلوا بجي وعياط على ادهم

حقهم وكلش هم لان ادهم جنت اشوفه اكثر واحد بالبيت عليه الاعتماد من الولد يفكر بالكل مثل عمو
يشاقه ويضحك ويعرف يتصرف اذا صار شي بالبيت يستشيرونه هوَ عمو بنفسه يستشيره بـ اكثر الشغلات