ظـلام عـمـر
تَنجو بِغُفراني ، لا بِذكائك الذي تضُن !
حچه بـعصبيه متحلف
ادهم:- يابه وحـق من انـزل الـقرآن فـوتت البيت تحرم عليه وغمضت عيني ، واطلع ناقص غـيرة وشـرف اذا هل ليله مـرت سلامات عليهم
عافهن يحجن ما قابلات وراح للمطبخ يخابر رحت ورا وگفت بالباب اسمعه منطيني ضهره
ادهم:- هلا بيك شلونك... اريد اسلحه... لا بكيفك بس اكثر من نوع هسه اريدهن... وياك سياره مظلله بيها الاسلحه... لا عادي حتى لو ارقام مو مشكلة... انتظرك
سد الاتصال ورث جگاره ورجع دگ تليفرنه
ادهم:- هلو وسام ... لا بس جيبلي دوريه من اخابرك... لا والله انه احلها ... سهله ان شاء الله ... متقصر والله ... الله وياك
بقيت گاعده يمه بدون ما احجي وهوَ يفتر لو يخابروا يطلع يرد ويرجع مافهمنه شي منه شويه ودخلوا عمر وكرار وحيدر راحوا على صفحه شويه وگبت العيطه بينهم كلهم يصيحون اخر شي كرار صاح
كرار:- كلنه ادم يهمنه وكلنه نروووح
ادهم:- لا كرار بس انه وعمر و وسام وجماعته يلحگونه
حيدر:- ادهم شنو انتو ماحاسبينه زلم لو شنو الموضوع
ادهم:- شبيك حيدر لا بالله العظيم بس خويه اخاف عليكم والله ما بينه هبطات بعد
كرار:- كلنه نروح وانتهى الموضوع
حيدر:- متطلعون من باب البيت بدونا
كل هذا ولا وحده من النسوان تدخلت حتى ما وگفن يمهم يسمعون غيرنا اني وزينه واساور
حصروا ادهم وعمر وماگـدروت يرفضون بس مبين عليهم مقابلين الولد يرحون وياهم يخافون عليهم بس انجبروا يسكتون وبالاخص ادهم ربع ساعه وتسطروت الولد
حسين وكرار وحيدر وامجد ويوسف وكرم وسيف و وسام وسجاد
امجد:- كرم وسيف يبقون يم عمي وادم بالـمستشفى
سيف:- رجلي على رجلكم
كرار:- سيف انتَ ابقى بالمستشفى
كرم:- ليش انتو ترحون واحنه لا؟
ادهم:- كل شي يصير ابقوا انتو بالـمستشفى احسن
عمر:- بالمستشفى كلشي يصير يبقى ابوي وحده قابل
سيف:- انه اروح
صاح بي كرار بعصبيه
كرار:- لا
سيف:- شني على كيفكم هوَ ، اروح تردون تغلطون تسبون اروح اروح
أنت تقرأ
ظلام عُمر
General Fictionأنا العاشق السيء الحظ ، لم أستطع الذهاب اليكِ ، لم أستطع الرجوع الي . اقدم لكم (( ظلام عُمر)) انا رقيه عباس #ظلام_عمر
