ظلام عُمر

( 56 )

ظـلام عـمـر

‏أَنَرتِ حياتي بنورِ الوصال
‏وجئتِ لعمرِي كغيثِ المَطر
‏إذا جئتِ أنتِ فَـ ما هَـمَّني
‏وربُّك من غابَ مِمَّن حضر

زينه:- ما اعرف شخصيتك ماعرف تصرفك شنو راح يكون اتجاه هيج موضوع ماعرف شخصيتك بهيج مواقف ولا اعرف عصبيتك! نصدمت من عصبيتك بس فرحت لان ما اذيتني صح خفت وانزعجت لان بقيت ما اعرف اتصرف اتجاهك بهيج موقف لان ما اعرف شخصيتك الحقيقية..

عمر:- الصار صار وعرفتي وقت عصبيتي شلون اصير اني ضد العصبيه ، وعصبيتي نادراً تطلع لكن زادت من شفت دموعج لان دموعج مو رخيصه عندي!

ماعرف شنو اجاوبه كلامه جنت محتاجته رفعت راسي وابتسمت بوجهه بأمتنان بادلني الابتسامه وشَـد بحضنته وگال..

عُمر:- بس انتِ هم لازم شويه تلزمين نفسج

اختفت ابتسامتي وحجيت بصدمه
زينه:- اني ، شمسويه!

عُمر:- مره يشگ شگ و اتسرسرح وهسه اسمر

تحمحمت وحچيت فشلانه
زينه:- يا اسمر هذا

عُمر:- الجنتي تتمني

تبتعدت من حضنه وايده بعدها بحاوطتني وگتله:
زينه: اي مو عود جنت اريد زوجي اسمر اسمرر

جرني الحضنه بقوه جعصني وگال:
عمر: ليش اني شبيه ولچ

ضحكت بصوت عالي مخنوگه بيده
زينه:- مو اسمر كلش بس ماشي حالك

عمر:- ها هيج صارت

زينه:- اوي اشاقه وياك لتزعل

عمر:- ما ازعل منج ادري بيج تجفصين

زينه:- همزين تدري بس انتَ شدعوه كل ما احچي تسمعني

عمر:- الله مسلطني عليج

زينه:- هم حظي بس هاي تسمعها

ضحك وگال
عمر:- خل اگوم ابدل اكمل كم شغله واجيب ملابس هم حتى احضرهن

زينه:- تمام ، تتأخر؟

عمر:- والله ما ادري بس اجي من وكت خاف ابوي يلگفني

زينه:- اي يمه هذاك اليوم لگف ادم گلب الدنيا عليه الصبح

عمر:- متعودين على ادم يوميه ملگوف ومترزل

زينه:- هههههه اي

گام بدل وطلع اجن يمي البنات گعدنه نسولف وساره مخليه ماسك الشعرها ونورس كل شويه مخربه شعرها اخر شي شمرتها يم ادهم واجت نحجي وسرور بس تتصفن..