#ظلام_عُمر
#رقيه_عباس
"أحـَدى مَـناطـق بَغداد"
عَـام 2014
فَـي نهـاية شَهـر 12
هـوى ومــطر واكـثر الـناس ببيوتهـا عـدى الـطلاب
راجعه من المدرسه بدت تنزل قطرات المطر القليل جنت لابسه ملابس المدرسه وفوكاهن قمصله بيضه وامشي مستعجله اريد اوصل للبيت وصلت للبيت بابا بالدوام ماما هيه وصديقتها كاعدات يسولفن "وصديقة" امي تشكي لماما ومثل كل مره يتبادلن مشاكاهن واخويه جان بالكُلية ، دخلت للبيت سلمت وصعدت للغرفه اغير ملابسي ، غيرت ملابسي ونزلت صبيت غده واكلت وكملت ورحت يم ماما وخاله ام ادم هنه كاعدات على التخم واني على الكاع صافنه على سوالفهن تذكرت مرت عمي وكلتلها...
زينه:- ماما اليوم شفت مرت عمو من رجعت وكالت اليوم اذا امج بيها حيل خل تمر عليه ونروح للسوك
ام انور:- اي ان شاء الله هوه البارحه كلتلي بس الجو مو مال طلعه
زينه:- لعد شكو تكلي اذا متفقات؟
ام انور:- اي تريد تأكد عليه
زينه:- زين لعد
ام انور:- اي
ام ادم:- يلا خيه اني هم يلا اروح
راحت خاله وهيَ ضايجه واني رحت كملت المواعين وهوه البيت نظيف لان يوميه بالليل انظف حتى الصبح من اروح للمدرسه البيت نظيف هوه احنه ماعدنا احد يوصخ وابويه بالشغل واخويه مموجود دائماً بالبيت ، ردت اصعد وماما صاحتني...
ام انور:- زينه ماما اني رايحه لبيت عمج يمكن اتأخر فد ساعتين
زينه:- تمام ماما الله وياج هسه انزل اسد الباب
رحت سديت الباب وره ماما ورحت سبحت وبدلت ونمت تقريباً ساعة وكعدت اقره الحد ما اجت ماما وجانت جايبه اغراض للبيت رتبتهن وصعدت كملت التحاظير الحد ما اجه اخوية و وراها بابا صلوا وتعشينى .
احنه مثل اي عائله او اكثر العوائل حالتنه زينه الحمدلله متوسطه نحب بعض مع هذا عائلتنه متخلى من المشاكل كلتلكم مثل اي عائله بس مع هذا زعلنه ميطول .
وهيج مرت الايام عاديه وطبيعية..
اليوم رحت يم صديقتي لان المهر مالها هيه مو صديقتي وعلاقه قويه بس بالمدرسه نحجي ومو دائما بس اصرت عليه اروح للمهر مالها وماما كالت روحي لا تفشلينها ورحت اشتريتلها هدية اني وماما وجنت لابسه فستان بُـني ورحت انور اخذني البيت يبعد عن بيتنه نص ساعه بس..
ركصنه وضحكنه وصورنه جان يوم كلش حلو وجانت هيَ فرحانه تمنيتلها السعاده من گلبي وخلصت الحفلة
واجه عليه اخويه انور حتى يرجعني للبيت
أنت تقرأ
ظلام عُمر
General Fictionأنا العاشق السيء الحظ ، لم أستطع الذهاب اليكِ ، لم أستطع الرجوع الي . اقدم لكم (( ظلام عُمر)) انا رقيه عباس #ظلام_عمر
