#ظلام_عُمر
#رقيه_عباس
قراءه ممتعه
گعدت على صوت المنبه طفيته بالگوه مفتحه باوعت عُمر ماكو بصفي رفعت راسي شفته مـدد نص جسمه عـلى القنفه وگاعد ما نايم شكله يخوف غريب ، حجيت بصوت خافت
زينه:- صباح الخير
مارد وعبالك بعالم ثاني ماعرف شسوي واگفه ماعرف احجي او اروح للحمام اغسل شفته ممهتم وممنتبه رحت للحمام غسلت وطلعت شغلت الضوه
مبين عليه منايم ابد عيونه حمر وشكله يخوف
ماعرف حسيت جان يبجي لان عيونه حمر وكلش تعبانه
مبين مگضي الليل كله يبچي
كل ما اشوفه هيج متأذي يجيني هيج شعور واحساس ما اعرف اوصفه حيل اتأذه على وضعه وانقهر
شفته رفع ايده مسح على عيونه وطلعت من الغرفه اشوف سرور وارجعله
نزلت جوه السرور لگيتها هستوها كاعده عفتها ونزلت سويت ريوك وبالي يم عُمر نزلت سرور ويايه لان ما اكدر اشتغل بـ ايد وحده وكملنه جاي نرتب الاكل على الميز نزل ادهم
ادهم:- صباح الخير
سرور زينه:- صباح النور
زينه:- سرور اصعد اشوف عمر واجي
سرور:- تمام
صعدت لكيته مبدل بنطرون اسود وقميص اسود لابسه مفتوح وگاعد ايده على راسه واكو كم ورقه يمه
زينه:- عمر
مجاوبني تقدم بخطوات متردده گعدت يم رجله وخليت ايدي الزينه على رجله فز عبالك جان نايم
زينه:- بيك شي؟
هَز راسه بـ لا
زينه:- منايم؟
جاوب بصوت مَبحوح
عُمر،:- اي جان عندي شغل ما لحگت انام
هزيت راسي وگتله انزل اكل
نزلت ونزل ورايه گعدنا ناكل
ادهم وسرور من نزل عمر الحد ما گام همَ عينهم عليه اخر شي ادهم سأله عمر
ادهم:- خويه بيك شي مريض؟
جاوبه عُمر بـ ابتسامه باهته
عُمر:- لا
حجه ادهم ممقتنع
ادهم:- متأكد؟
عُمر:- اي بس شويه تعبان
ادهم:- انه اودي البنات اني اذا ما بيك حيل
عُمر:- لا لا اني اخذهن حتى اروح للمستشفى عندي شغل
ادهم:- چا اذا هيج انه ارجعهن
أنت تقرأ
ظلام عُمر
General Fictionأنا العاشق السيء الحظ ، لم أستطع الذهاب اليكِ ، لم أستطع الرجوع الي . اقدم لكم (( ظلام عُمر)) انا رقيه عباس #ظلام_عمر
