#ظلام_عُمر
#رقيه_عباس
ادركوا ان الفقدان مرير
ـــــــــــــــــــــــــ
كمت اصرخ بكل صوتي مصدومه وخايفه من المنظر من منظر الدم الكدامي امي ابويه كدامي بس اجساد!
من قوة المنظر صرخت صرخه احس بلعومي تشكك بديت اضرب على وجهي حتى اصحه بلكت يطلع حلم ما اتذكر شسويت فقط الي اتذكرة اريد انور بهل وقت محتاجه انور اخر امل انور
زينه:- انور انور ويين اريد اخويه وينه
ما اسمع بس العياط وصوت الزلم
انتهى اخر امل عندي! املي راح
فقدت الامل من دخلو ثنين ولد شايلين اخويه وعمري بين ايدهم فاقد وراسه كله دم الابيض اللابسه صاير احمر! ليش
راح الامل من عيوني شافت انور
اهلي شبيهم شنو اللي جاي يصير رجليه وكفن ماكدر اكوم ادم تلكاهم خلوا انور على رجله بحضنه والصدمه على وجهه ما انطى اي رد فعل!
اصرخ واني بعيده ماعندي حيل اكوم الاخويه والله
زحفت العنده وصلتله واني ممصدگه هذا انور اخويه!
الصبح جان واكف على رجله والضحكه ماليه وجهه الحلو وهسه بالكاع والمعاني ممبينه!
لزمت قميصه لزمته من صدره اجر بي اريده يكوم برودت الدم العلى ملابسه كزبرت جسمي ماعرف شصار بجسمي احسه برد وما متوازنه رفعت راسي على ادم اشوف الدموع تنزل من عيونه على وجه انور ماحسيت غير بس الالوان ختلطت بعيوني واحس بشخص لازمني من ظهري واسمع صوت ادهم وصفيرات بأذني وبعدها اغمى عليه...
ـــ
كعدت وعيني كبل راحت على الساعة جانت بـ2:30 بالليل وخاله ام ادم كاعده بصفي وداير مدايري نسوان ادور ماكو لادم ولا اي شي كلت معقوله حلم وخلص اهلي مابيهم شي! بس للاسف طلع مو حلم وجابوهم بتابوت من المستشفى للبيت البيت احسه صار اظلم ويخنك رجعت ابجي واحجي بدون وعي وياهم
زينه:- خاله ماتو؟ اهلي هذولي؟
جانت تحجي ويه جوارينهم والمره تهزلها راسها وتبجي ، راحت للتابوت وهيَ تبجي وتشهك خلت ايدها عليه وتتلمس بالتابوت ودموعها تنزل ووجها يرجف صافنه على التابوت بدت تحجي
زينه:- ولك انور وين رايح وعايفني ها؟ هيج اهون عليك اني؟ وين عااايفيني كوموا لتعوفوني المنو بقيتوني ها؟ لك واني احجي متباهيه واكل للناس اخوي حزام ضهري سندي موجود محد يكدر يأذيني تالي تعوفني وين عايفني بالدنيا حباب كوم لتموت
صاحت وهي تضرب على التابوت بكل ماعدها قوه وصوت
زينه:- كوم الله عليك لتعوفني انور لتموت الموت مابيي رجعه انور
رادت تفتح التابوت بس سحبتها ام ادم وثنينهن يبجن
زينه:-ولج خاله راحوا وعافوني وحدي ليش ليش اني بتهم ولك بابا ماما وين عفتوني وحدي اتلطم لا اخ ولا اب سند ولا ام تنور حياتي شعندي باقيه وحدي بهاي الدنيا يمههه
أنت تقرأ
ظلام عُمر
General Fictionأنا العاشق السيء الحظ ، لم أستطع الذهاب اليكِ ، لم أستطع الرجوع الي . اقدم لكم (( ظلام عُمر)) انا رقيه عباس #ظلام_عمر
