#ظلام_عُمر
#رقيه_عباس
قراءة ممتعه
هناك صوت في داخلي يهمس لي باستمرار
أني لست في المكان الصحيح أبدًا !
ادهم گال للعالم ياخذون راحتهم وواحد من الولد الواگفين گال العمو اجت الشرطه الفجر ولان محد بالبيت راحوا ، العالم كلمن رجع البيته بعد ما ادهم حاجاهم
الورقه بيد عمر ومن ايد عمر الادهم العمو والفضول والخوف سيطر علينه من عرفنا المكتوب نصدمنا والخوف بين علينه اكثر
"حضرة المحامي آدم ابراهيم اليوم بالكزاز باجر بالعزاز"
قروها وتخبلوا ، ادم رفع تليفونه واتصل بـ اشخاص
وادهم كذلك اتصلوا بضباط وناس معروفه وعمر واگف يتناقش ويه عمو وخاله تلطم اخر شي عمر عاط بينا
عمر:- اصعدن كلجن بسيارتي بسرعة
ابو ادم:- وين تاخذهن
عمر:- البيت خالي اوديهن وارجع الكم
ابو ادم:- اي زين تسوي
كلنه صعدنا بالسياره مال عمر خاله كدام واني وساره وسرور وره جان مبين على وجوهنه الخوف وخاله تحجي ويه عمر وعمر ساكت ميرد اخر شي خاله عاطت بي لان مجاوبها
عمر:- يمه انييي شمدريني مو جنت وياكم حالي من حالكم محد يعرف شكو حتى ادم
ام ادم:- وهسه انتَ من توصلنه وين تروح
عمر:- عندي كم شغله بالمستشفى ضروريه اكملها واروح الهم نشوف شكو
ام ادم:- يااا وتعوف اخوتك
عمر:- امي حبيبتي شغله تخص الموضوع اكملها وارجع الهم وين رايح وعايفهم
ام ادم:- تباتون يم بيت خالكم غير
عمر:- لا شنو فندق قابل
ام ادم:- يمه لا تتطشرون كل واحد بمكان
عمر:- ميخالف نشوف فندق نبات بي اني وادم وادهم
ام ادم: ليش يمه چا غير بيت خالكم
عمر:- البنات يتقيدن وعيب هنه يومين خل نخلصهن شلون ما جان
ام ادم:- براحتكم بس يمه ديرو بالكم والله گلبي خلصان وعلي اذا يتأذه واحد منكم اموت بگاعي
عمر:- اسم الله يمعوده لعب جهال ماكو شي
ام ادم:- ان شاء الله دير بالك على اخوتك ميفكرون تره
عمر:- صار
اباوع واسمع خاله تحجي وعبالك متعودين على هل شي مو اول مره ، وصلنه البيت خالهم نزلنه عمر دگ الباب طلع سجاد اخو شهد رحب بينا بضحكه جانوا الولد منطي خير
دخلنه وعمر اخذه على صفحه ماعرف شنو كله و دخل سجاد وعمر راح
رحبوا بينا وتغدينا وگعدنه بصف خاله
زينه:- خاله شو قبل شويه تحجين ويه عمر طبيعي
أنت تقرأ
ظلام عُمر
General Fictionأنا العاشق السيء الحظ ، لم أستطع الذهاب اليكِ ، لم أستطع الرجوع الي . اقدم لكم (( ظلام عُمر)) انا رقيه عباس #ظلام_عمر
