ظـلام عـمـر
مُمكِن بَس بَعد ما تِرهَم و صَعبة
اليِبدي يفَكر بعَقله يِنسى شَصاير بگَلبه .
ادهم:-الساعة 12 بالليل
شفته گاعد وحده صافن وشابك ايد بـ ايد تقدمت وربتت على چـتفه وگـعدت يمه
ادهم:- شـبيك
حچه بنفس مخنوگ وحرگة گلب
كرار:- زفوا حبيبتي من بيتي ونار بـگلبي مـوجره
ادهم:- لو انه ماعرف جان محد حس حتى انه على تصرفك
كرار:- معزب بعرس حبيبتي تضحك مو
ادهم:- بالعكس تخوف
كرار:- ولك لا هيَ مجبوره ولا هيَ ماحابته واگـدر اخذها !
ادهم:- ليش ما حچيتلها
كرار:- شحچيلها ! بالوقت العرفت بس مشاعري وردت اتحرك اجت هيَ فرحانه بخطبتها
ادهم:- مو نصيبك خلاص بعد تزوجت ادعيلها مابيدك شي
كرار:- چا ونار گلبي الماتنطفي ولا تبرد؟
ادهم:- تطفى بمرور الايام وداعتك
حچه عافس وجهه بضجر
كرار:- لو الماخذها رجال وعليه الاعتبار فلا انقهر هيج لك ماااايع والعباس ما يلوكلها الي يسلم عليه يضل مفهي بوجهه وبس يتمضحك
ادهم:- بس حبته كرار يجوز شافت شي منشوفه احنه
كرار:- شنو الشافته شنو
ادهم:- عصبيتك وحرگان دمك ما راح يحل شي ولا راح يرجعها الك وهيَ تحبه وعلى گولتك ما مجبوره لو متريده وتسوي شي
كرار:- صح
ادهم:- ان شاء الله متندم على اختيارها وانتَ الله يجبر خاطرك...
اساور: صعدوني للغرفه وماما دخلت يمي تهديني وتنصحني ولبست ملابس النوم نص ساعة وكالو راح يزفون العريس نزلت ماما وضليت وحدي يمكن خايفه شويه بس مو بـگد فرحتي
اسمع الهوسات والهلاهل بره شويه شويه يتقدم الصوت الحد ما دخل للغرفه واجه گعد گدامي
زياد:- ها حبيبي شلونج
جاوبته واني اعصر بايدي خجل وتوتر
اساور:- زينه
زياد:- لو تدرين شكد فرحان مشتاااقلج
اساور:- مو بكدي
زياد:- انتظرت هذا اليوم هواي الي ننجمع بي اني وانتِ
اساور:- داحس مثل الحلم من الكل رافض زواجنه الى اني يمك
زياد:- الاريده اخذه فما بالج بيج
بده يتقرب مني ويطبع بوسات على جسمي بعنف وتقرب مني آذاني عبالك جان يتعارك كمل وباسني بخدي وگال بابتسامه جانبيه
زياد:- مبروك مرتي
أنت تقرأ
ظلام عُمر
General Fictionأنا العاشق السيء الحظ ، لم أستطع الذهاب اليكِ ، لم أستطع الرجوع الي . اقدم لكم (( ظلام عُمر)) انا رقيه عباس #ظلام_عمر
