ظـلام عـمـر
يا قُرَّةَ العَينِ إنَّ العَينَ تَهوَاك
فَما تَقَرُّ بِشَيءٍ غير مَرآك.
زينه:- الشنو
عمر:- باچر معزوم على عشى عمل يعني مراح نحچي بالشغل لكن اكو عشى راح يكون وجودي ضروري وراح يكونون زملائي الدكاتره مع ازواجهم و زوجاتهم وانتِ ترحين وياي
زينه:- لازم اروح؟
ابتسم وهز راسه وگال
عمر:- اكيد ماراح اخذ بت الجيران ويايه
زينه:- عمر استحي
عمر:- ليش
زينه:- ماعرف
عمر:- لعد نكسر الخجل باچر
زينه:- شلون
عمر:- غير مرتي وترحين وياي ونكسر الخجل هم
شفته مُصر كلش وافقت بس احس ما اريد ممتعوده وما اعرفهم
زينه:- تمام
راح يغير ملابسه طلعت الملابس الجابهم جان فستان اسود مخصر يجنن وبي حزام كرستال على الخصر والصدر مالته مربع وجايب بنطرون وقميص ذوقه كلش حلو عفتهن ونزلت السرور والساره لگيت ساره تحچي بالتليفون وسرور گاعده تتفرج تلفيزيون
گعدت يمها وكلتلها على عمر والملابس وشلبس
سرور:- اممم باعي شوفي شيلبس هوَ ولو اكيد اسود احس البسي فستان احسن ومناسب الهيج طلعه
زينه:- اني هم گلت هيج بس استحي ما اعرفهم ماريد اروح
سرور:- يابه دروحييي تونسي شوفي ويامن يگعد ويعرف منو
زينه:- هم صدگ
سرور:- اي والله
نحچي وسدت التليفون ساره وسألت على نورس
ساره:- نامت نورس
زينه:- اي صار هواي ، ويه منو تحجين جنتي
ساره:- اساور خطيه مدري شبيها مريضه يم بيت عمي
سرور:- شنو شبيها
ساره:- تگول ضهري يأذيني ورجلي
زينه:- صاير شي وياها؟
ساره:- لا تگول ماكو شي...
___
اساور: واگفه بالگراج بالطرمه والزوالي گدامي من هذني الكبار كلش وثگال مفروشات بالگاع الساعة بتلاثه الضهر رالشمس تدگ براسي رغم بالليل والصبح الجو زين بس الضهر نااار نگعتهن واني شايله هم شلون اصعدهن ما اگدر
أنت تقرأ
ظلام عُمر
General Fictionأنا العاشق السيء الحظ ، لم أستطع الذهاب اليكِ ، لم أستطع الرجوع الي . اقدم لكم (( ظلام عُمر)) انا رقيه عباس #ظلام_عمر
